Odabuka eZimbabwe ohlala kweleMelika uthi usevotile kusigaba sokhetho okuvotwa lungakenziwa i-early voting.
UNkosazana Theresa Dangwa ohlala edolobheni leAlbany eUpper State New York uthi ubekhululekile evota izolo.
Utshele iStudio 7 ukuba abantu abavote laye njalo labavotisayo babakhululeke okumangalisayo ngesikhathi esendaweni yokuvota.
Kulabantu abedlula izigidi ezingamatshumi amahlanu – 50 million asebevote kukhetho lolu. Bagoqela abadabuka eZimbabwe asebeyizizalwane zakwele Melika.
Inhlanganiso yeBipartisan Policy Center ithi kulabantu abayizigidi ezingamakhulu amabili lamatshumi amane lane – 244 million abalelungelo lokuvota kukhetho lolu.
IBipartisan Police Center ithi ngomnyaka ka2020, kwavota abantu abayisilinganiso sokwedlula amatshumi ayisithupha ekhulwini – 66%. Kutsho ukuthi kulakho ukuvota abedlula izigidi ezilikhulu lamatshumi ayisitshupha lambili – 162 million ngeviki ezayo.
Forum