HARARE —
Umphathintambo wezemali uMnu. Tendai Biti uthi imali yokusebenzisa kukhetho isikhona lanxa abogatsha lwakhe besadinga okumele ibhadale abazaqhuba umsebenzi. UBiti ubike lokhu emhlanganweni lentathelizindaba ngoLwesine owenzelwe emawofisini akhe, lapho esethula umumo womnotho waphakathi komnyaka.
Esethula lumbiko uBiti uthi uhulumende uselayo imali yokuqhuba ukhetho olwenziwa ngeviki ezayo.Uhulumende ubedinga izigidi ezedlula ikhulu zamadollar-$132,2 million, ukuqhuba ukhetho lwalonyaka.
UBiti uthi limali itholakale kuleli kungela ncedo oluvele enhlanganisweni loba emsebenzini wokwenjiwa kwamadayimani..
Wengeze ethi ayikabi khona imali yokubhadala abazavotisa kodwa wathi abogatsha lwakhe sebegijimisa ukuthi bayithole limali ukhetho lungakenziwa.
Kusenjalo, uBiti uthi nxa kungasabanga lonqobayo kulolu khetho oluzakuqhutshwa ngolwesithathu oluzayo, kulakho ukudala udubo ngoba kuyabe sekusitsho ukuba luphindwe ukhetho lukamongameli sona isikhwama sikahulumende singelamali.
UMongameli Robert Mugabe ukubeke sobala kugwalo lukahulumende lwe Gazzette ukuba ukhetho lwe Run Off lulakho ukwenziwa mhla zilitshumi ncwabakazi nxa engekho ozathola amavoti adingakalayo.
UBiti wengeze wathi okunye osekuhlupha kudaba lokubuthanisa imali okumele ingene esikhwameni sikahulumende yikuba ugatsha lwakhe lungazange luthole loba indibilitshi kusukela umnyaka uqala ikakhulu emsebenzini wokuthengiswa kwamadayimani.
Kuviki ephelileyo uBiti ubethe uzadingisisa ukuba izigidi ezingamakhulu amane-$400 million etholakale ekuthengisweni kwamadayimani ako Marange yasiwa kuphi njengoba ingangenanga esikhwameni sikahulumende.
Uthi umnotho welizwe ungathuthuki ngenxa yendaba zokhetho lwamhla ka 31 kuyonale inyanga ethi amankampani amanengi esevala ngenxa yalomumo.
Uhlelo lwemali lolu luvame ukwenzelwa edale lephalamende kodwa uBiti uthi akasanelisanga ukwenze lokho njengoba selacithwa.
UBiti uthi ukubone kufanele ukuba angaze athathe amanyathelo phezu kwezomnotho ethi uhulumende ozakhethwa ngolwesithathu nguye osezakuba lomsebenzi wokwenza lokho.
Esethula lumbiko uBiti uthi uhulumende uselayo imali yokuqhuba ukhetho olwenziwa ngeviki ezayo.Uhulumende ubedinga izigidi ezedlula ikhulu zamadollar-$132,2 million, ukuqhuba ukhetho lwalonyaka.
UBiti uthi limali itholakale kuleli kungela ncedo oluvele enhlanganisweni loba emsebenzini wokwenjiwa kwamadayimani..
Wengeze ethi ayikabi khona imali yokubhadala abazavotisa kodwa wathi abogatsha lwakhe sebegijimisa ukuthi bayithole limali ukhetho lungakenziwa.
Kusenjalo, uBiti uthi nxa kungasabanga lonqobayo kulolu khetho oluzakuqhutshwa ngolwesithathu oluzayo, kulakho ukudala udubo ngoba kuyabe sekusitsho ukuba luphindwe ukhetho lukamongameli sona isikhwama sikahulumende singelamali.
UMongameli Robert Mugabe ukubeke sobala kugwalo lukahulumende lwe Gazzette ukuba ukhetho lwe Run Off lulakho ukwenziwa mhla zilitshumi ncwabakazi nxa engekho ozathola amavoti adingakalayo.
UBiti wengeze wathi okunye osekuhlupha kudaba lokubuthanisa imali okumele ingene esikhwameni sikahulumende yikuba ugatsha lwakhe lungazange luthole loba indibilitshi kusukela umnyaka uqala ikakhulu emsebenzini wokuthengiswa kwamadayimani.
Kuviki ephelileyo uBiti ubethe uzadingisisa ukuba izigidi ezingamakhulu amane-$400 million etholakale ekuthengisweni kwamadayimani ako Marange yasiwa kuphi njengoba ingangenanga esikhwameni sikahulumende.
Uthi umnotho welizwe ungathuthuki ngenxa yendaba zokhetho lwamhla ka 31 kuyonale inyanga ethi amankampani amanengi esevala ngenxa yalomumo.
Uhlelo lwemali lolu luvame ukwenzelwa edale lephalamende kodwa uBiti uthi akasanelisanga ukwenze lokho njengoba selacithwa.
UBiti uthi ukubone kufanele ukuba angaze athathe amanyathelo phezu kwezomnotho ethi uhulumende ozakhethwa ngolwesithathu nguye osezakuba lomsebenzi wokwenza lokho.