Umbukiso walonyaka wabalobi bamabhuku owe weZimbabwe International Book Fair 2016, usungule ngoMvulo eHarare ngomhlangano omkhulu oweIndaba, ophume lenkuthazo yokuthuthukiswa komkhuba wokubala elizweni ngesikhathi usuthathelwa indawo yikubala kwabantu ebulenjini beinternet.
Umhlangano omkhulu lo, ungenwe ngabalobi abalodumo lengcwethi zokulotshwa kwamabhuku bekhuthaza ukuqiniswa komkhankaso wokuveza ukuqakatheka kokubala amabhuku phansi kwesihloko esithi “Igniting Interest in Reading for Sustainable Development”.
Umnmzana Naison Tfwala oloba eko Bulawayo phansi kwenhlanganiso yeNational Non-Fiction and Academic Writers Association uthi babona kulokwehla kudaba lokufundwa kwezingwalo. Ethi akusilo qiniso ukuthi imbangela yikwanda kwendlela zakulezi nsuku zokubala ezifana lobulembu be internet, ethi ngoba le ngeinye indlela yokubala.
Unkosikazi Maretha Dube umbalisi ekolitshini le Joshua Mqabuko Nkomo Politechnic efundisa indimi zesintu uthi abantu balomcabango wokuthi ukuze ubonakale ungofundileyo kumele ube ngokhuluma isikhiwa kakhulu ethi kanti hatshi sokumele abantu beqakathekise ukufunda indimi zabo:
Umgcinisihlalo wenhlanganiso yeZimbabwe National Chamber of Commerce umnumzana Mike Eric Juru wazise lumhlangano ukuthi ukuthi phansi kweziqondiso zeSustainable Development Goals ulwazi luqakathekile kakhulu ukuthi lufinyelelwe ngabantu ukuze benelise ukuthuthukisa impilo zabo, ilizwe lamabhizimusi. Oka Tfwala uthi ulwazi lugcwele kuyo yonke indawo kumabhuku atshiyeneyo okokuthi okudingakalayo kuphela yikuthi abantu bazinikeze isikhathi sokuthola ithuba lokuhlala phansi bebala amabhuku ethi kukhanya kungela sizato esizwayo esenza ukuba abantu bengakwenzi lokhu:
Umhlangano weBook Fair Indaba, ungenwe ngabalobi abalodumo abagoqela uStephen Chifunyise, Musaemura Zimunya labanye. Lumbukiso wamabhuku, uzaba lomunye njalo umhlanano owe Writers Workshop ngoLwesine kunye le tende lokubalela amabhuku abantwana njengendlela yokukhuthaza ukufundwa kwezingwalo.
