Imuli kaMnu Itai Dzamara, yena othunjwe ngoMbimbitho nyakenye icele abathumbi bakhe ngoLwesibili ukuthi bamkhulule aphenduke ekhaya ebantwaneni bakhe.
UDzamara sefikise inyanya ezilitshumi lanye ethunjiwe njalo engazakali ukuthi ungaphi lokuthi uyaphila na kumbe hatshi.
Immuli yakhe kanye lezihlobo labangane babe lomkhuleko egcekeni leAfrica Unity Square eHarare lapho abakhulekele khona ukuthi uItai aphenduke ephila.
Umkakhe uNkosikazi Sheffra Dzamara uthi uhlukumezekile kakhulu labantwana ngokunyamalala kukaDzamara.
Amazwi akhe agcizelelwe ngumfowabo uPatson Dzamara, yena othe lokhu bethemba ukuthi uDzamara usaphila lanxa sesiside isikhathi sokuze kufike umnyaka nje.
"Kuyasikhathaza kakhulu ukuthi sokuze kufike umnyaka uItai Dzamara engazakali ukuthi ungaphi," kutsho umngane wakhe uCharles Nyoni.
