WASHINGTON DC —
Obeyingcwethi ehloniphekayo kwezenotho uMnu Eric Bloch ungcwatshiwe eAthlone Cemetery koBulawayo ngoLwesithathu.
Abakhulume emngcwabeni kaBloch, abagoqela owake waba ngusibalukhulu webhanga leReserve Bank of Zimbabwe uMnu Gideon Gono, bamchaze njengomuntu obelolwazi olujulileyo kwezenotho.
Ngalokho, uGono uthe ilizwe lilahlekelwe kakhulu. UBloch wayengumcebisi weRBZ ngesikhathi uMnu Gono engusibalukhulu.
Abanye abaphelekezele uBloch bagoqela usomlomo wedale lephalamende uMnu Jacob Mudenda, umkhokheli weMavambo uMnu Simba Makoni, ingcwethi kwezenotho uMnu John Robertson, owake waba ngumphathintambo wezemfundo uMnu David Coltart labanye.