WASHINGTON —
Ikhomithi yedale lephalamende ebona ngezomvikela lokwenzakala elizweni ithi iwofisi kaRegistrar General eGwanda yalile ukuveza ukuthi bangaki abantu kulindawo ababhalisela ukuvota njengalokhu ebikwenza kwezinye izigaba zelizwe ezigoqela iMashonaland Central, Manicaland, kanye le Masvingo.
Ikhomithi le iphakathi kokubhoda-bhoda elizweni ihlolisisa ukuthi uhlelo lwe mobile-voter-registration exercise luqhubeka njani.
Ilunga lekhomithi le uMnu. Reggie Moyo uthi isiphathamandla saliwofisi sibatshele ukuthi kasilasizatho salelinyathelo njalo sitshayelwe ucingo yiwofisi kaRegistrar General eHarare satshelwa ukuthi singakhuphi inani labantu abathethwe ama finger-prints eGwanda.
UMoyo utshele iStudio 7 ukuthi ikhomithi yakhe izabhalela iwofisi kamsitheli ngaloludaba.
Utshele uSithandekile Mhlanga weStudio 7 ukuthi ngaphandle kwalokho uhlelo lolu luqhubeke ngcono ngoLwesithathu eMasvingo, eChivi, leGwanda ngenxa yokusetshenziswa kogwalo lwebulenjini lwabalelungelo lokuvota olwe Electronic Voters Roll le mota zokuthwala ingwalo.
Kusenjalo inhlanganiso ezilwela ilungelo loluntu ezigoqela eyezisebenzi eye ZCTU zithi kufanele uhulumende aphe izisebenzi ikhefu lamalanga amabili ukuyabhalisela ukuvota, lokuthi uhlelo lolu aluqhutshwa ngemfanelo okungabangela ukuthi impumela yokhetho ingabi ngeqotho.
Ikhomithi le iphakathi kokubhoda-bhoda elizweni ihlolisisa ukuthi uhlelo lwe mobile-voter-registration exercise luqhubeka njani.
Ilunga lekhomithi le uMnu. Reggie Moyo uthi isiphathamandla saliwofisi sibatshele ukuthi kasilasizatho salelinyathelo njalo sitshayelwe ucingo yiwofisi kaRegistrar General eHarare satshelwa ukuthi singakhuphi inani labantu abathethwe ama finger-prints eGwanda.
UMoyo utshele iStudio 7 ukuthi ikhomithi yakhe izabhalela iwofisi kamsitheli ngaloludaba.
Utshele uSithandekile Mhlanga weStudio 7 ukuthi ngaphandle kwalokho uhlelo lolu luqhubeke ngcono ngoLwesithathu eMasvingo, eChivi, leGwanda ngenxa yokusetshenziswa kogwalo lwebulenjini lwabalelungelo lokuvota olwe Electronic Voters Roll le mota zokuthwala ingwalo.
Kusenjalo inhlanganiso ezilwela ilungelo loluntu ezigoqela eyezisebenzi eye ZCTU zithi kufanele uhulumende aphe izisebenzi ikhefu lamalanga amabili ukuyabhalisela ukuvota, lokuthi uhlelo lolu aluqhutshwa ngemfanelo okungabangela ukuthi impumela yokhetho ingabi ngeqotho.