HARARE —
Uphume ngobunengi bakhe uzulu ukuyavota indwendwe zikhula ngezikhathi zemini lanxa inengi lihlukuluzwa yikwenza kwabavotisayo kube labanye abalelwe ukuvota ngezizatho ezehlukeneyo.
EMbare bezinengi indawo zokuvotela kodwa abakhulumisane lentathelizindaba ngensitha baveze ukuba bethuselwe ukuba bavotele ibandla le Zanu PF njengoba besebenzela emikambo etholakala kulumuzi.
Uzulu wemzini weMufakose uze ngobunengi bakhe lanxa bebekhona abekade besalelwa ukuvota ngezizatho ezehlukeneyo ezigoqela ukungabonakali kwamagama abo kuluhlu lwabavoti eVoters Roll.
Esinye sezakhamuzi ebesivota kulomuzi ongathandanga ukubethwa ngegama utshele intathelizindaba ukuba umangele esetshelwe ukuba kumele ayevotela eGutu North,okuyindawo avele engayazi njalo engazakhe aphume eHarare ukuyahlala kwenye indawo.
Besebeyisitshigalombili abehluleke ukuvota ngesikhathi sesitshiyagalombili ( 8 ) endaweni yokuvotela esikolo se Budiriro 5 emzini we Budiriro.
Umkhokheli welinye lamacele eMDC uMnumzana Morgan Tsvangirayi lemhuli yakhe bavotele eMt Pleasant High School lapho uzulu aze ngobunengi eHarare.
UTsvangirayi uthi uleqiniso lokuba uzanqoba noma kanjani.
Kuthi uMongameli Robert Mugabe laye uze lemhuli yakhe ngesikhathi esiyavota esikolo seMhofu Primary School emzini we Highfields lapho atshele intathelizindaba ukuba uzalunqoba lolukhetho kungekho kuqilibezela njengalokho okutshiwo ngabebandla le MDC. UMugabe uveze ukuba uzaphutsha isikhathi esibekiweyo sokubusa nxa uzulu engamkhetha.
Okhokhela iqula labazebona ukuqhutshwa kokhetho enhlanganisweni yamazwe abensundu eyeAfrican Union uMnumzana Olusegun Obassanjo utshele intathelzindaba ngesikhathi ethekelele indawo yokuvotela ebisemavinkilini emzini we Belvedere ukuba kakukho akusolayo okwamanje ngendlela ukhetho oluqhutshwa ngalo.
Bakhona ababikwa besethuselwa ikakhulu ngabebandla le Zanu PF ukuba bavotele amalunga alelibandla. Omunye walaba bantu utshele intathelizindaba ukuba uhlala emzini weKuwadzana kodwa etholakale evotela eMbare bucwadlana lenkundla ye Rufaro Stadium ngoba eqonqoselwe angaze avotele elinye ibandla uzaxotshwa lapho asebenzela khona kweminye yemikambo etholakala kulomuzi weMbare.
Umgcinisihlalo enhlanganisweni ye Zimbabwe Electoral Commission uJustice Rita Makarau utshele intathelizindaba ukuba luqale kuhle lolukhetho. UMakarawu uthi babuyele bayevota labo abalelwe ngoba ingcwajana ezikhomba ukuba babhalisa lanxa amagama abo engekho kugwalo lwe Voters’Role.
Kodwa obona ngezokuqoqwa kwenhlelo ebandleni le MDC uMnumzana Nelson Chamisa uthi kunengi okungalunganga ngalolukhetho. Sekulemibiko yokuba lamabhasi athwele uzulu obesizavota evela eSouth Africa asemisiwe.
Emhlanganweni lentathelizindaba emahofisini ebandla le MDC eHarvest House emini,unobhala jikelele walelibandla uMnumzana Tendayi Biti uthi kuyadanisa ukuba bebanengi asebebuyiselwe emakhaya bengavotanga.
UBiti uthi sebethole imibiko ekhomba ukuba bakhona abethusela uzulu ikakhulu emaphandleni ukuba avotele i bandla le Zanu PF. Uthi kube kube lokuntshintshaniswa kwemifanekiso lamagama abameli bamabandla abalisa elakhe kanye lele Zanu Ndonga esigabeni se Chipinge South.
Lanxa abe ZEC bethi luhamba kuhle lolukhetho abe MDC bathi kunengi okusolisayo okwenzakalayo lanxa lokhe beqina ngelokuthi bazalunqoba.
EMbare bezinengi indawo zokuvotela kodwa abakhulumisane lentathelizindaba ngensitha baveze ukuba bethuselwe ukuba bavotele ibandla le Zanu PF njengoba besebenzela emikambo etholakala kulumuzi.
Uzulu wemzini weMufakose uze ngobunengi bakhe lanxa bebekhona abekade besalelwa ukuvota ngezizatho ezehlukeneyo ezigoqela ukungabonakali kwamagama abo kuluhlu lwabavoti eVoters Roll.
Esinye sezakhamuzi ebesivota kulomuzi ongathandanga ukubethwa ngegama utshele intathelizindaba ukuba umangele esetshelwe ukuba kumele ayevotela eGutu North,okuyindawo avele engayazi njalo engazakhe aphume eHarare ukuyahlala kwenye indawo.
Besebeyisitshigalombili abehluleke ukuvota ngesikhathi sesitshiyagalombili ( 8 ) endaweni yokuvotela esikolo se Budiriro 5 emzini we Budiriro.
Umkhokheli welinye lamacele eMDC uMnumzana Morgan Tsvangirayi lemhuli yakhe bavotele eMt Pleasant High School lapho uzulu aze ngobunengi eHarare.
UTsvangirayi uthi uleqiniso lokuba uzanqoba noma kanjani.
Kuthi uMongameli Robert Mugabe laye uze lemhuli yakhe ngesikhathi esiyavota esikolo seMhofu Primary School emzini we Highfields lapho atshele intathelizindaba ukuba uzalunqoba lolukhetho kungekho kuqilibezela njengalokho okutshiwo ngabebandla le MDC. UMugabe uveze ukuba uzaphutsha isikhathi esibekiweyo sokubusa nxa uzulu engamkhetha.
Okhokhela iqula labazebona ukuqhutshwa kokhetho enhlanganisweni yamazwe abensundu eyeAfrican Union uMnumzana Olusegun Obassanjo utshele intathelzindaba ngesikhathi ethekelele indawo yokuvotela ebisemavinkilini emzini we Belvedere ukuba kakukho akusolayo okwamanje ngendlela ukhetho oluqhutshwa ngalo.
Bakhona ababikwa besethuselwa ikakhulu ngabebandla le Zanu PF ukuba bavotele amalunga alelibandla. Omunye walaba bantu utshele intathelizindaba ukuba uhlala emzini weKuwadzana kodwa etholakale evotela eMbare bucwadlana lenkundla ye Rufaro Stadium ngoba eqonqoselwe angaze avotele elinye ibandla uzaxotshwa lapho asebenzela khona kweminye yemikambo etholakala kulomuzi weMbare.
Umgcinisihlalo enhlanganisweni ye Zimbabwe Electoral Commission uJustice Rita Makarau utshele intathelizindaba ukuba luqale kuhle lolukhetho. UMakarawu uthi babuyele bayevota labo abalelwe ngoba ingcwajana ezikhomba ukuba babhalisa lanxa amagama abo engekho kugwalo lwe Voters’Role.
Kodwa obona ngezokuqoqwa kwenhlelo ebandleni le MDC uMnumzana Nelson Chamisa uthi kunengi okungalunganga ngalolukhetho. Sekulemibiko yokuba lamabhasi athwele uzulu obesizavota evela eSouth Africa asemisiwe.
Emhlanganweni lentathelizindaba emahofisini ebandla le MDC eHarvest House emini,unobhala jikelele walelibandla uMnumzana Tendayi Biti uthi kuyadanisa ukuba bebanengi asebebuyiselwe emakhaya bengavotanga.
UBiti uthi sebethole imibiko ekhomba ukuba bakhona abethusela uzulu ikakhulu emaphandleni ukuba avotele i bandla le Zanu PF. Uthi kube kube lokuntshintshaniswa kwemifanekiso lamagama abameli bamabandla abalisa elakhe kanye lele Zanu Ndonga esigabeni se Chipinge South.
Lanxa abe ZEC bethi luhamba kuhle lolukhetho abe MDC bathi kunengi okusolisayo okwenzakalayo lanxa lokhe beqina ngelokuthi bazalunqoba.