Owayengumeli weCowdray Park ephalamende engakaxotshiswa ngozithi ungunobhala jikelele weCCC, uMnu. Pashor Raphael Sibanda, ubizwe ngamapholisa koBulawayo ngoLwesine embuzisisa ngokutshengisela emigwaqweni okubikwa kuqoqwa libandla leCitizens Coalition for Change elikhokhelwa nguMnu. Nelson Chamisa.
Ukubizwa kwakhe kulandela okwenziwe ngamapholisa avimbe umhlangano webandla leMthwakazi Republic Party kanye lokutshengisela kwabe Job Sikhala Solidarity Campaign ngoLwesithathu, esithi kulakho ukuba lodlakela njengoba ibandla leCCC lihlele ukutshengisela.
Ibandla leli lona lithi alizange lifake indawo kumbe ilanga lokwenza lokhu.
UMnu. Kudakwashe Munsaka, ongumkhokheli weForever Associates Zimbabwe osekela ibandla leZanu-PF, uthi amapholisa aqhuba umsebenzi wabo hatshi ukuthi akhahlameza abakubandla eliphikisayo.
ngaloludaba.
UMnu. Effie Dlela Ncube omela amalungelo oluntu ephansi kwenhlanganiso yabathengi eyeNational Consumer Rights Association uthi kuyadanisa okwenziwa ngamapholisa.
Forum