BULAWAYO —
Umsekeli kamongameli welizwe, uNkosikazi Joyce Mujuru uthi uhulumende womanyano useveze ukuthi lapho abantu besebenza ndawonye njalo belenjongo inye balakho ukuvuselela inotho yelizwe. UNkosikazi Mujuru ubekhuluma emhlanganweni wabosomabhizimisi embukisweni we Zimbabwe International Trade Fair.
Ekhuluma ngolweSithathu ekuseni embukisweni lo weZITF koBulawayo, uNkosikazi Mujuru uthe ingqobe esasele ekuvuseni inotho yelizwe yikuthi kuqedwe udaba lokungathembeki kwezisebenzi lokuthanda ukufumbathiswa ukuze ilizwe libelakho ukukhanga osomabhizimisi bakwamanye amazwe.
Uthembise osomabhizimisi ukuthi uhulumende uzaphatha ukhetho olulokuthula olungasoze luphazamise labo abadinga ukuletha imali yabo eZimbabwe.
Ekhuluma emhlanganweni munye, omunye wabasekeli benhloko kahulumende, uNkosazana Thokozani Khuphe uthi idolobho lakoBulawayo lizwisa usizi lamhla ngenxa yezisebenzi eziphelelwe ngumsebenzi, eziswela ongaphathisa ukuthi kuvuselelwe amankampani ayeqhatsha inkulungwane zabantu.
Umphathintambo wogatsha lwezokuthengiselana, uMnumzana Welshman Ncube, onguye njalo umkhokheli welinye lamacele eMDC uthi kumele osomabhizimisi bakhulumisane ngokulungisa impahla epheleleyo kuleli hatshi ukuthengisela kwamanye amazwe impahla engalungiswanga ngoba ithengiswa nge mali enlutshwane ithi isiphenduka isidula.
Umhlangano lo ongowesikhombisa ukuphathwa embukisweni we ZITF ungenwe njalo ngomunye wabasekeli benhloko kahulumende uMnumzana Arthur Mutambara kanye labaphathi bengatsha ezehlukeneyo zikahulumende abagoqele oMnumzana Obert Mpofu lo Gorden Moyo kanye loNkosikazi Sithembiso Nyoni. Inhloko kahulumende uMnumzana Morgan Tsvangirayi ubekhangelelwe ukubakhona kodwa akasafinyelelanga kulumhlangano.
Indikimba yomhlangano walonyaka ngethi “Building Value and Enhancing Sustainable Growth: The Socio-Economic Transformation of Zimbabwe”
Umsekeli kamongameli welizwe, uNkosikazi Joyce Mujuru uthi uhulumende womanyano useveze ukuthi lapho abantu besebenza ndawonye njalo belenjongo inye balakho ukuvuselela inotho yelizwe. UNkosikazi Mujuru ubekhuluma emhlanganweni wabosomabhizimisi embukisweni we Zimbabwe International Trade Fair.
Ekhuluma ngolweSithathu ekuseni embukisweni lo weZITF koBulawayo, uNkosikazi Mujuru uthe ingqobe esasele ekuvuseni inotho yelizwe yikuthi kuqedwe udaba lokungathembeki kwezisebenzi lokuthanda ukufumbathiswa ukuze ilizwe libelakho ukukhanga osomabhizimisi bakwamanye amazwe.
Uthembise osomabhizimisi ukuthi uhulumende uzaphatha ukhetho olulokuthula olungasoze luphazamise labo abadinga ukuletha imali yabo eZimbabwe.
Ekhuluma emhlanganweni munye, omunye wabasekeli benhloko kahulumende, uNkosazana Thokozani Khuphe uthi idolobho lakoBulawayo lizwisa usizi lamhla ngenxa yezisebenzi eziphelelwe ngumsebenzi, eziswela ongaphathisa ukuthi kuvuselelwe amankampani ayeqhatsha inkulungwane zabantu.
Umphathintambo wogatsha lwezokuthengiselana, uMnumzana Welshman Ncube, onguye njalo umkhokheli welinye lamacele eMDC uthi kumele osomabhizimisi bakhulumisane ngokulungisa impahla epheleleyo kuleli hatshi ukuthengisela kwamanye amazwe impahla engalungiswanga ngoba ithengiswa nge mali enlutshwane ithi isiphenduka isidula.
Umhlangano lo ongowesikhombisa ukuphathwa embukisweni we ZITF ungenwe njalo ngomunye wabasekeli benhloko kahulumende uMnumzana Arthur Mutambara kanye labaphathi bengatsha ezehlukeneyo zikahulumende abagoqele oMnumzana Obert Mpofu lo Gorden Moyo kanye loNkosikazi Sithembiso Nyoni. Inhloko kahulumende uMnumzana Morgan Tsvangirayi ubekhangelelwe ukubakhona kodwa akasafinyelelanga kulumhlangano.
Indikimba yomhlangano walonyaka ngethi “Building Value and Enhancing Sustainable Growth: The Socio-Economic Transformation of Zimbabwe”
