Owake waba yisiphathamandla sebandla le Zanu PF, unkosikazi Margaret Dongo uthi indlu yakhe ingaba yaphoselwa ibhomba lepetulo eHarare emuzini we Ridgeview.
UDongo uthi mhla ziku seven kuyonale inyanga baphaphama phakathi kobusuku bevuswa ngumsindo owesabekayo bathi bethi mehlo suka babona indlu isilumethe umlilo owatshisa impahla phose yonke eyayisendlini.
Abe ZESA bathi imbangela yalumlilo kayilani lokwenza lamandla kagetsi njalo amapholisa kawaveza ukuthi bona babonani ngalesi sehlakalo. UNkosikazi Dongo wasuka kubandla leZanu PF engasezwani lenye inkokheli yalelibandla ebalisa uMongameli Mugabe.
UDongo wasuka kuZanu PF wasungula elakhe ibandla elalithiwa yi Zimbabwe Union of Democrats. Ngomnyaka odluleyo uDongo ubebonakala labathi bafuna ukusungula ibandla le People First elizakhokhelwa nguNkosikazi Joice Mujuru.
“Ngilokhu ngiluthuli phezu kodaba lolu ngoba anazi ukuthi kuhamba njani,” kutsho uDongo.