UNkosikazi Harris loMnu Trump Bayaqhubeka Ngemihlangano Yokukhankasela Ukhetho

Ozancintisa kukhetho lukaMongameli weMelika emele ibandla lamaDemocrats uNkosikazi Kamala Harris lomsekeli wakhe uMnu Tim Walz bazakwenza imihlangano yokudinga usekelo esigabeni seWisconsin leseDetroit ngoLwesibili, kuthi ozamela amaRepublicans uMnu Donald Trump lomsekeli wakhe uMnu James David Vance bona bazakhankasa eNorth Carolina laseMichigan.

UMnu Trump ukhangelelwe ukuqhubeka echothoza uNkosikazi Harris lebandla lakhe esithi bavumela abantu abangelamaphepha ukuza eMelika mahlayana, khona athi uzakuvala enganqoba kulolukhetho ngoLwezi.

UHarris laye ukhangelelwe ukusola uTrump, yena athi kamelanga avunyelwe ukubuyela embusweni ngoba enguntandokayiphikiswa ongahloniphi amalungelo abesifazana.

Ingcwethi kwezombusazwe elandela imikhankaso yeMelika uMnu Effie Dlela Ncube utshele iStudio 7 ukuthi okwamanje zindala zombili phakathi kukaTrump loHarris njalo akukakhanyi ukuthi ngubani onganqoba.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:00 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala