Amazwi kamongameli weZimbabwe uNkosikazi Grace Mugabe awokuthi isikhundla sakhe njengomkakhe kamongameli Robert Mugabe siphezulu kulezabasekeli bakamongameli abathi uMnumzana Phelekezela Mphoko loMnumzana, Emmerson Mnangagwa siphehle inkulumo abanye besithi amazwi la aveza sobala ukuthi uNkosikazi Mugabe ulesifiso sokuthatha intambo zombuso alubana uMugabe ethe wasuka esikhundleni.
Lanxa eke wakulandula ukuthi uyasifuna lesi sikhundla, ingcwethi zezombusazwe zisithi zinengi impawu ezikhomba ukuthi usibheke ngabomvu isikhundla sikaMugabe.
Ekhuluma ngeviki edluleyo, uNkosikazi Mugabe uchothoze amaphephandaba ake aloba ngaye esithi wethule amazwi okuthi uMnangagwa umdala kulaye esikhundleni kubandla lakuhulumende.
Kodwa ukulandule lokhu uNkosikazi Mugabe esithi yena njengomkakhe kaMongameli, uphezulu kakhulu kuloMnanangagwa loMphoko.