WASHINGTON DC —
UMongameli Robert Mugabe sechaze umuyi uMnu Enos Nkala njengeqhawe elimele libekwe eNational Heroes Acre.
UNkala ubhubhele esibhedlela seAvenues Clinic eHarare ngoLwesithathu ekuseni eseleminyaka yokuzalwa engamatshumi ayisitshiyagalombili lanye (81).
UMugabe utshele intathelizindaba ukuthi uNkala liqhawe leqiniso elilembali yokulwisana lombuso wabancindezeli engathandabuzwayo.
Ngalokho, uthi uNkala kumele angcwatshwe eNational Heroes Acre lapho okulele amanye amaqhawe afana laboJoshua Mqabuko Nkomo.
Akukazakali ukuthi uNkala uzabekwa nini; kodwa okusobala yikuthi uzabekwa eheroes acre lanxa idale lezanu pf politburo lingakahlali lamupha linhlonipho.
UMnu Nkala ngomunye wabantu abaphuma kubandla leZapu behlamukela uMnu Nkomo babumba ibandla leZanu, lona elasungulelwa endlini kaNkala eHarare.
UNkala uze watshona esala ukuthi waba lesandla kuGukurahundi - umkhankaso wembubhiso owabulalisa inkulungwane lenkulungwane zabantu eMidlands leMatabeleland.
Kodwa owayengumlweli wempi yenkululeko ekuZapu njalo obengumeli weBulilima West edale lephalamende uMnu Moses Mzila Ndlovu uthi izandla zikaNkala azikho msulwa.
"Abangaphilanga ngesikhathi seGukurahundi bengakukholwa lokho, kodwa thina esasikhona sazibonela ngamandla siyakwazi ukuthi izandla zikankala zilegazi," uMzila utshele iStudio 7.
UNkala ubhubhele esibhedlela seAvenues Clinic eHarare ngoLwesithathu ekuseni eseleminyaka yokuzalwa engamatshumi ayisitshiyagalombili lanye (81).
UMugabe utshele intathelizindaba ukuthi uNkala liqhawe leqiniso elilembali yokulwisana lombuso wabancindezeli engathandabuzwayo.
Ngalokho, uthi uNkala kumele angcwatshwe eNational Heroes Acre lapho okulele amanye amaqhawe afana laboJoshua Mqabuko Nkomo.
Akukazakali ukuthi uNkala uzabekwa nini; kodwa okusobala yikuthi uzabekwa eheroes acre lanxa idale lezanu pf politburo lingakahlali lamupha linhlonipho.
UMnu Nkala ngomunye wabantu abaphuma kubandla leZapu behlamukela uMnu Nkomo babumba ibandla leZanu, lona elasungulelwa endlini kaNkala eHarare.
UNkala uze watshona esala ukuthi waba lesandla kuGukurahundi - umkhankaso wembubhiso owabulalisa inkulungwane lenkulungwane zabantu eMidlands leMatabeleland.
Kodwa owayengumlweli wempi yenkululeko ekuZapu njalo obengumeli weBulilima West edale lephalamende uMnu Moses Mzila Ndlovu uthi izandla zikaNkala azikho msulwa.
"Abangaphilanga ngesikhathi seGukurahundi bengakukholwa lokho, kodwa thina esasikhona sazibonela ngamandla siyakwazi ukuthi izandla zikankala zilegazi," uMzila utshele iStudio 7.