WASHINGTON DC —
Owake wamela iBulilima West edale lephalamende elilunga leMDC uMnu Moses Mzila Ndlovu ngoMvulo ufunyanwe ngumthethwandaba kamantshi emsulwa kumacala amabili ekade ewetheswa, elokuntshontsha lelokubamba inkunzi.
UMzila ubotshwe ngomnyaka odluleyo esetheswa icala lokukhombela ngombobho abantu abathole befohlele epulazini lakhe.
Abatshutshisi bebesithi wathathela abantu laba omakhalekhukhwini babo, imali, amakhiye emota kanye lezithupha.
Kodwa esethula isinqumo sakhe umantshi uMnu Trynos Utawashe uthe uhulumende wehlulekile ukuveza ubufakazi obusobala ekuthini ngempela uMzila wadala lawamacala.
UMnu Mzila lilunga leMDC ekhokhelwa nguMnu Welshman Ncube.
Kunjalo nje lelibandla liqhube imihlangano emibili engenwe nguMnu Ncube lezinye iziphathamandla zebandla leli koBulawayo ngempelaviki.
UNcube ukhuthaze amalunga ebandla lakhe ukuthi aqhubeke ngomzabalazo wokukhulula uzulu ebugqilini beZanu PF.
UMzila ubotshwe ngomnyaka odluleyo esetheswa icala lokukhombela ngombobho abantu abathole befohlele epulazini lakhe.
Abatshutshisi bebesithi wathathela abantu laba omakhalekhukhwini babo, imali, amakhiye emota kanye lezithupha.
Kodwa esethula isinqumo sakhe umantshi uMnu Trynos Utawashe uthe uhulumende wehlulekile ukuveza ubufakazi obusobala ekuthini ngempela uMzila wadala lawamacala.
UMnu Mzila lilunga leMDC ekhokhelwa nguMnu Welshman Ncube.
Kunjalo nje lelibandla liqhube imihlangano emibili engenwe nguMnu Ncube lezinye iziphathamandla zebandla leli koBulawayo ngempelaviki.
UNcube ukhuthaze amalunga ebandla lakhe ukuthi aqhubeke ngomzabalazo wokukhulula uzulu ebugqilini beZanu PF.