WASHINGTON DC —
Uzulu sesola amazwi kaMongameli Mugabe okuthi izakhamizi zakoBulawayo leHarare kumele zikhangelele inhlelo zentuthuko kuMDC-T hatshi kuhulumende weZanu PF.
Amadolobho womabili avotele ibandla leMDC-T kukhetho olusanda kwedlula.
UMugabe wethule amazwi la ngeSonto emngcwabeni kaMnu Mike Karakadzai emathuneni abekwa amaqhawe esizwe aweNational Heroes Acre eHarare.
Ekhuluma ngolimi lweSishona, uMugabe uthe: "Harare kuvhotera, Bulawayo kuvhotera, chiendai munopihwa zvamakavhotera ikoko."
Amazwi akhe agcizelelwe yisikhulumeli seZanu PF uMnu Rugare Gumbo yena othe ngempela uMugabe kasoze aqakathekise amadolobho womabili kunhlelo zentuthuko ngokulingana lendawo ezamvotelayo.
Kodwa uthe lokhu akutsho ukuthi ibandla lakhe selilahla amadolobho la, esithi ikakhulu udaba lwamanzi koBulawayo, ludaba uMugabe athembise ukululungisisa.
Amacele womabili eMDC asole kakhulu amazwi kaMugabe.
"Kuqakathekile ukuthi lowo oyabe enqobile kukhetho aqakathekise ukusebenzela wonke umuntu oyisizalwane seZimbabwe, hatshi labo abamvoteleyo kuphela," kutsho uMnu Nhlanhla Dube, isikhulumeli seMDC kaNcube.
Amazwi kaDube agcizelelwe yisiphathamandla seMDC-T uMnu Abednico Bhebhe.
Amadolobho womabili avotele ibandla leMDC-T kukhetho olusanda kwedlula.
UMugabe wethule amazwi la ngeSonto emngcwabeni kaMnu Mike Karakadzai emathuneni abekwa amaqhawe esizwe aweNational Heroes Acre eHarare.
Ekhuluma ngolimi lweSishona, uMugabe uthe: "Harare kuvhotera, Bulawayo kuvhotera, chiendai munopihwa zvamakavhotera ikoko."
Amazwi akhe agcizelelwe yisikhulumeli seZanu PF uMnu Rugare Gumbo yena othe ngempela uMugabe kasoze aqakathekise amadolobho womabili kunhlelo zentuthuko ngokulingana lendawo ezamvotelayo.
Kodwa uthe lokhu akutsho ukuthi ibandla lakhe selilahla amadolobho la, esithi ikakhulu udaba lwamanzi koBulawayo, ludaba uMugabe athembise ukululungisisa.
Amacele womabili eMDC asole kakhulu amazwi kaMugabe.
"Kuqakathekile ukuthi lowo oyabe enqobile kukhetho aqakathekise ukusebenzela wonke umuntu oyisizalwane seZimbabwe, hatshi labo abamvoteleyo kuphela," kutsho uMnu Nhlanhla Dube, isikhulumeli seMDC kaNcube.
Amazwi kaDube agcizelelwe yisiphathamandla seMDC-T uMnu Abednico Bhebhe.