WASHINGTON DC —
Amapholisa abikwa elakho ukubopha iziphathamandla zenkampani kahulumende ebona ngokwenjiwa kwamadayimana yiloba nini kulandela amazwi kaMongameli Mugabe awokuthi iziphathamandla zalinkampani zenza imisebenzi yokungethembeki, icorruption.
UMugabe uveze ukuthi umgcinisihlalo weZimbabwe Mining Development Coorporation uMnu Godwills Masimirembwa wantshontshela abanye osomabhizimusi bakweleGhana imali engangezigidi ezedlula eziyisithupha, i$6 million.
Uthi uMasimirembwa waqila osomabhizimusi laba ngokubabhadalisa limali esithi ubathengisela amashares kudaba lokwenjiwa kwamadayimana eMarange ukuze babambisane leZimbabwe Mining Development Coorporation.
Phezu kwe$6 Million uMasimirembwa labanye bakhe babikwa bahlawulisa osomabhizimusi beGhana laba enye njalo imali engazakaliyo lokuthi yaya ngaphi.
UMugabe uthi osomabhizimusi laba bathi sebefuna ukuza eZimbabwe uMnu Masimirembwa wabethusela ebatshela ukuthi bengabuya bazabotshwa.
Udaba lolu lwaphuma egcekeni ngemva kokuba abeGhana behlangane lobengumphathintambo wezemigodi uMnu Obert Mpofu nyakenye eMelika, eWashington DC.
Inengi lihlezi lisitsho ukuthi kulokungethembeki okukhulu ekwenjiweni kwamadayimana eMarange, okuyinto ebilandulwa yiziphathamandla zeZanu PF.
UMugabe uthi uMasimirembwa labanye bakhe kumele bajeziswe, njalo igqwetha likahulumende uMnu Johannes Tomana uthi usalucwayisisa loludaba.
Unobhala obona ngezemigodi kubandla leMDC-T uMnu Abednico Bhebhe uthi bonke abaphatheka ekuntshontshweni kwamadayimana eMarange kumele babotshwe.
Amazwi la agcizelelwe ngumqondisi wenhlanganiso ekhankasela ukuqedwa kokungethembeki iTransparency International-Zimbabwe uNkosikazi Mary Jane Ncube.
UMugabe uveze ukuthi umgcinisihlalo weZimbabwe Mining Development Coorporation uMnu Godwills Masimirembwa wantshontshela abanye osomabhizimusi bakweleGhana imali engangezigidi ezedlula eziyisithupha, i$6 million.
Uthi uMasimirembwa waqila osomabhizimusi laba ngokubabhadalisa limali esithi ubathengisela amashares kudaba lokwenjiwa kwamadayimana eMarange ukuze babambisane leZimbabwe Mining Development Coorporation.
Phezu kwe$6 Million uMasimirembwa labanye bakhe babikwa bahlawulisa osomabhizimusi beGhana laba enye njalo imali engazakaliyo lokuthi yaya ngaphi.
UMugabe uthi osomabhizimusi laba bathi sebefuna ukuza eZimbabwe uMnu Masimirembwa wabethusela ebatshela ukuthi bengabuya bazabotshwa.
Udaba lolu lwaphuma egcekeni ngemva kokuba abeGhana behlangane lobengumphathintambo wezemigodi uMnu Obert Mpofu nyakenye eMelika, eWashington DC.
Inengi lihlezi lisitsho ukuthi kulokungethembeki okukhulu ekwenjiweni kwamadayimana eMarange, okuyinto ebilandulwa yiziphathamandla zeZanu PF.
UMugabe uthi uMasimirembwa labanye bakhe kumele bajeziswe, njalo igqwetha likahulumende uMnu Johannes Tomana uthi usalucwayisisa loludaba.
Unobhala obona ngezemigodi kubandla leMDC-T uMnu Abednico Bhebhe uthi bonke abaphatheka ekuntshontshweni kwamadayimana eMarange kumele babotshwe.
Amazwi la agcizelelwe ngumqondisi wenhlanganiso ekhankasela ukuqedwa kokungethembeki iTransparency International-Zimbabwe uNkosikazi Mary Jane Ncube.