Idale leZanu PF Politburo liqhube umhlangano wokuhlaziya ukudonselana okukhona kulelibandla.
UMongameli Mugabe usole kakhulu amaxuku alwisanayo wakhuthaza ukuthula lokubambana.
Lelidale lihluze njalo udaba lokuvinjwa kukaMnu Gideon Gono yiZimbabwe Electoral Commission ukuthatha isikhundla sokuba nguSenetor weBuhera.
Lilaye ugatsha lwezemithethu kubandla leli ukuthi lukhangelisise ukuthi kuyini okungenziwa ukuze uGono avunyelwe ukuthatha isikhundla sakhe.
Asenelisanga ukukhuluma lesikhulumeli salelibandla uMnu Rugare Gumbo.
Kodwa idale leli selike lenza eminye imihlangano yokuzama ukuqeda udaba lokufuthelana kulelibandla.
Sixhume ingcwethi ecubungula ezombusazwe uMnu Nkululeko Sibanda yena othi akaboni uMugabe esenelisa ukuqeda ukulwisana phakathi kwecele likaNkosikazi Joyce Mujuru lelikaMnu Emmerson Mnangagwa.