HARARE —
UMnumzana Robert Gabriel Mugabe ufungiswe ukuqalisa umsebenzi wokubusa eleZimbabwe okweminye iminyaka emihlanu elandelayo embuthanweni obusenkundleni yeNational Sports Stadium eHarare ngemva kokunqoba kwakhe kukhetho olubikwa ngabamabandla aphikisayo agoqela awe MDC-T ukuthi waqhilibezela.
Bekuyimipululu, ukhwelo kanye lokuhlabela ngesikhathi uMugabe engena enkundleni ye National Sports Stadium ekhatshwe yimhuli yakhe ngesikhathi ezofungiswa ukuba ngumongameli omutsha ngemva kokunqoba ukhetho lwamhla ka 31 kunyanga kaNtulikazi.
Emazwini akhe kulumbuthano uMugabe uqale ngokucela uxolo kunkokheli zakwamanye amazwe phezu kokujunywa ekunxunsweni ukuba baze kulomkhosi athi kubangele yikuba bekusalindelwe impumela yodaba obeluse mthethwandaba olukhwezwe ngabebandla le MDC ekhokhelwa nguMnumzana Morgan Tsvangirayi edale le Constitutional Court.
Lokhu sekungokwesikhombisa uMugabe efunga esitsho amazwi manye wokuthembisa ukusebenzela uzulu.
Kunkulumo yakhe ngemva kokufungiswa ngu Chief Justice Chidyausiku phambi kwenkulungwane lenkulungwane zabalandeli be Zanu PF eNational Sports Stadium, uMugabe ubonge inhlangothi zonke zelizwe kumizamo yazo yokukhuthaza ukuthula elizweni. Kodwa wasola abamazwe angentshonalanga phezu kokwenza kwabo.
UMugabe ubonge abamazwe awezwekazi leAfrica ngokukubeka sobala ukuba ukhetho luqhutshwe ngendlela hatshi lokho osekukhulunywa ngabamazwe entshonalanga.
Uveze ukuba sekuyisikhathi sokusebenzela uzulu ukugcwalisa lezo zithembiso abazenze kuzulu okufana lokutholisa amandla kwezomnotho kuzulu njengoba ukhetho seluphelile.
Ugqibe umbiko wakhe ngokuncoma ukusebenzelana obekuphakathi kwenkokheli zamabandla abekade ekuhulumende womanyano abalisa amacele womabili e-MDC elikhokhelwa nguMnumzana Morgan Tsvangirayi, lelikhokhelwa nguMnumzana Welshman Ncube kanye lele Zanu PF.
Inkokheli kwezomvikela okubalisa uGeneral Constantine Chiwenga, Commissioner General Augustine Chihuri kanye lokhokhela uhlangothi lwabalinda amajele uCommissioner General Paradzai Zimondi lazo zithethe izifungo zazo emkhosini munye walamuhla ongenwe zinkokheli lalabo abake baba ngabakhokheli emazweni awezwekazi leAfrica enzelwe inhlonipho ye 21 Gun Salute.
Kodwa ezinye inkokheli ebezikuhulumende womanyano kazizanga kulomkhosi wokufungisa lokugcoba uMongameli Robert Mugabe.
Ezinye zenkokheli zamanye amazwe awezwekazi leAfrica ezikade zikhona zigoqela uMongameli Joseph Kabila wele DRC, uMongameli Jakaya Kikwete wele Tanzania, uMongameli Armando Guebuza wele Mozambique, uMongameli Hifikipunye Pohamba wele Namibia, abake baba ngabakhokheli bamazwe abo uMnu Sam Nujoma, uMnu Hassan Mwinyi kanye loMnu Testus Mogae .
Abaculi ababalisa u-Koffi Olomide, iqembu le Ladysmith Black Mambazo, uSulumani Chimbetu, uMacheso kanye labe Black Uhuru basale sebelibazisa uzulu ngemva kokufungiswa kuka Mugabe.
Ngesikhathi uzulu engena kulenkundla ye National Sports Stadium ubephiwa i- T-shirt kanye lamalembu okuthandela amazambia alomfanekiso kaMugabe.
Kuthe ekupheleni kwalomkhosi umuntu wonke obesenkundleni waphiwa ukudla okulethwe yi Chiken Slice kanye le Nandos.
Bekuyimipululu, ukhwelo kanye lokuhlabela ngesikhathi uMugabe engena enkundleni ye National Sports Stadium ekhatshwe yimhuli yakhe ngesikhathi ezofungiswa ukuba ngumongameli omutsha ngemva kokunqoba ukhetho lwamhla ka 31 kunyanga kaNtulikazi.
Emazwini akhe kulumbuthano uMugabe uqale ngokucela uxolo kunkokheli zakwamanye amazwe phezu kokujunywa ekunxunsweni ukuba baze kulomkhosi athi kubangele yikuba bekusalindelwe impumela yodaba obeluse mthethwandaba olukhwezwe ngabebandla le MDC ekhokhelwa nguMnumzana Morgan Tsvangirayi edale le Constitutional Court.
Lokhu sekungokwesikhombisa uMugabe efunga esitsho amazwi manye wokuthembisa ukusebenzela uzulu.
Kunkulumo yakhe ngemva kokufungiswa ngu Chief Justice Chidyausiku phambi kwenkulungwane lenkulungwane zabalandeli be Zanu PF eNational Sports Stadium, uMugabe ubonge inhlangothi zonke zelizwe kumizamo yazo yokukhuthaza ukuthula elizweni. Kodwa wasola abamazwe angentshonalanga phezu kokwenza kwabo.
UMugabe ubonge abamazwe awezwekazi leAfrica ngokukubeka sobala ukuba ukhetho luqhutshwe ngendlela hatshi lokho osekukhulunywa ngabamazwe entshonalanga.
Uveze ukuba sekuyisikhathi sokusebenzela uzulu ukugcwalisa lezo zithembiso abazenze kuzulu okufana lokutholisa amandla kwezomnotho kuzulu njengoba ukhetho seluphelile.
Ugqibe umbiko wakhe ngokuncoma ukusebenzelana obekuphakathi kwenkokheli zamabandla abekade ekuhulumende womanyano abalisa amacele womabili e-MDC elikhokhelwa nguMnumzana Morgan Tsvangirayi, lelikhokhelwa nguMnumzana Welshman Ncube kanye lele Zanu PF.
Inkokheli kwezomvikela okubalisa uGeneral Constantine Chiwenga, Commissioner General Augustine Chihuri kanye lokhokhela uhlangothi lwabalinda amajele uCommissioner General Paradzai Zimondi lazo zithethe izifungo zazo emkhosini munye walamuhla ongenwe zinkokheli lalabo abake baba ngabakhokheli emazweni awezwekazi leAfrica enzelwe inhlonipho ye 21 Gun Salute.
Kodwa ezinye inkokheli ebezikuhulumende womanyano kazizanga kulomkhosi wokufungisa lokugcoba uMongameli Robert Mugabe.
Ezinye zenkokheli zamanye amazwe awezwekazi leAfrica ezikade zikhona zigoqela uMongameli Joseph Kabila wele DRC, uMongameli Jakaya Kikwete wele Tanzania, uMongameli Armando Guebuza wele Mozambique, uMongameli Hifikipunye Pohamba wele Namibia, abake baba ngabakhokheli bamazwe abo uMnu Sam Nujoma, uMnu Hassan Mwinyi kanye loMnu Testus Mogae .
Abaculi ababalisa u-Koffi Olomide, iqembu le Ladysmith Black Mambazo, uSulumani Chimbetu, uMacheso kanye labe Black Uhuru basale sebelibazisa uzulu ngemva kokufungiswa kuka Mugabe.
Ngesikhathi uzulu engena kulenkundla ye National Sports Stadium ubephiwa i- T-shirt kanye lamalembu okuthandela amazambia alomfanekiso kaMugabe.
Kuthe ekupheleni kwalomkhosi umuntu wonke obesenkundleni waphiwa ukudla okulethwe yi Chiken Slice kanye le Nandos.
