Umthethwandaba ngoMvulo wethule isigwebo sokuba uMnu. Munyaradzi Antony Mwedziwendira, owayegcina amawofisi eZanu PF, kumele ehlawule amadollar alikhulu – US$200 kumbe avalelwe entilongweni okweminyaka emibili kulandela ukutshaya kwakhe umzukulu kamongameli welizwe, uMnu. Tongai Mnangagwa ngesikhathi bebanga indawo yokugcina izimota zabo eHarare okwakulomcibi wokuzikholisisa okuthiwa ngokusoma ligigi.
UMnangagwa ngumphathintambo kahulumende obona ngezemigwaqo lokunye.
Umantshi wedale leMagistrates Court uthe umwedziwendira wadala icala leli ekwazi ayekwenza ngoba watshaya lomnu. Wellington vengesai, owayelinde umnangagwa.
Kubikwa ukuba ababili laba bayazana. Igqwetha lika Mwedziwendira uMnu. Emmanuel Samundombe uthi uvumile amacala awetheswayo njalo ngoLwesibii uzabuyela emthethwandaba lapho abhekane khona lecala lokuthengisa izidakamizwa.
Kusenjalo, usulahle icala eletheswa umkhokheli wenhlanganiso yeAmalgamated Rural Teachers Union of Zimbabwe, uMnu. Obert Masaraure okuthiwa wayefuna ukugenqula uhulumende weZimbabwe. Wetheswa icala leli ngomnyaka ka2019.
Forum