Umthetho Wokwalela Abokuza Amalayisensi Amabhizimusi Uzasebenza Na?

WASHINGTON DC —  Umphathintambo wezamabhizimusi abensundu, uMnu Francis Nhema uthi izizalwane zeZimbabwe ezifuna ukuthatha amabhizimusi amancane abokuza kumele zizidingele imali ngoba uhulumende kalamali yokubaphathisa.

UNhema utshele iStudio 7 ukuthi abokuza laba sebephiwe ithuba lokuqhubeka besenza amabhizimusi kodwa kumele babambisane labe Zimbabwe.

Ukuhlaziya loludaba uChris Gande weStudio 7 uxoxe lengcwethi kwezenotho, uMnumzana Bekithemba Mhlanga endawonye lengcwethi kwezombusazwe njalo elilunga lebandla leZanu PF, uMnu. Morris Ngwenya.