Umsekeli kamongameli welizwe uMnu. Emmerson Mnangagwa uthi ukuchasisa ngomthetho wokuthuthukisa inotho yabensundu okwenziwa nguMongameli Muabe sekuzenza kube lenqubelaphambili.
UMnangagwa uphinde waukhuthaza abagciningcebo bamankampani, ama accountants, ukuba aphathise kuhlelo lukahulumende lokulwisana lokungethembeki lokufumbathisa.
Evula umhlangano wabagciningcebo, owe Zimbabwe Accountants Conference e Harare uMnu. Mnangagwa ubakhuthaze ukuba baphathise ngoba ukungethembeki kuphazamisa inhlelo zikahulumende ezifana le ZIMASSET olulenjongo yokuvuselela ezomnotho:
UMnangagwa uthi sikhuluma nje uhulumende uphakathi komsebenzi wokuzama ukuvuselela ubudlelwano obuhle lenhlanganiso ezinikeza usizo ezifana le World Bank, African Development Bank le International Monetary Fund ngenhloso yokuthi liphinde lithole izikwelede ezingaletha inqubelaphambili kwezomnotho.
Uthi ukungazwisisani osokuke kwabakhona kudaba lomthetho wokunikeza ezomnotho kwabensundu besekuphazamisa lokwethusa abafuna ukuvula amabhizimusi kuleli ethi uMongameli Mugabe sehle wacasisa umumo wezinto:
Inhlanganiso eye Pan Africa Accountants ikhuthaze ukuba ama accountants enelise ukusebenzelana lohulumende emxwayisa kukho konke okuqakathekileyo ngoba engasebenzelana lohulumende kungaba lenthuthuko kumisebenzi yabo noma izinto zomile ngoba imisebenzi eminengi etholwa ngama public accountants itholakala kuhulumende.
UMNu. Wesley Sibanda owake waba ngumgcinisihlalo wenhlanganiso ye Public Accountants and Auditors Board uthi Lumhlangano uqakathekile kakhulu ngoba ubuthanisa incitshi ukuba kuhluzwe izinto eziqakathekileyo kuzwekazi le Africa.
Uthi ama accountants yiwo abona kuqala ubutshapha bonke obungabe buvela kumabhizimusi lendlela abasebenzisa ngazo izimali okokuthi bangaphangisa ukutshaya ukhwelo udubo lobudlwangudlwangu lokufumbathisana lungaphela:
Uhulumende we Zimbabwe uthi sesebenzelana lama accountants asevume ukuphathisa ama industry ukuba enelise ukubuyisela izikwelede ayabe ezitholile zokuquba imisebenzi yabo kungela nkinga.ilizwe le Zimbabwe libhekana lenkinga yokubhidlika kwezomnotho amabhizimusi lama industry evala kudala ukusilela kwemisebenzi njalo ebika elahlekelwe ngama bhilion emali kumigodi yase chiayadzwa ngokungethembeki.
