Icala lokuvimba umthetho eletheswa uNkosikazi Beatrice Mtetwa liqale ukuthethwa ngoMvulo emthethwandaba we Harare lapho amagqwetha akhe alandule ukuthi wephule umthetho.
Ngenyanga ka Mbimbitho amapholisa aya endlini kaMnu. Thabani Mpofu isisebenzi semahofisini kaMnu. Morgan Tsvangirai, umkhokheli welinye lamacele eMDC, aguduza indlu lemota esithi adinga amaphepha alotshwa ngumpofu okungekho emthethweni.
UMtetwa, oliqwetha lika Mpofu, ubikwa efike watshela amapholisa ukuthi ame ukuguduza ngoba engelancwadi evela emthethwandaba ewapha amandla okwenza lokhu. Njalo amapholisa athi wayethatha imfanekiso esithi uzayisa emaphephandani aphetsheya. Umtshutshisi, uMnu. Tawanda Zvekare ubize elinye ipholisa, uMnu. Luckson Mukazhi othe uMtetwa uthuke amapholisa ngolimi lwesiShona esithi yizinja zikaMugabe.
Kodwa igqwetha likaMtetwa, uMnu. Harrison Nkomo ulandule limbiko wathi uMtetwa, odabuka kwele Swaziland, ubengeke awakhulume la magama ngoba kasazi isiShona. UNkomo uthe kusobala ukuthi amapholisa alesikhwili loMtetwa oligqwetha elilwela amapungelo oluntu ngoba aya kowayengumkakhe edinga ubufakazi bokuthi abotshwe. Umantshi, uNkosazana Rumbidzai Mugwagwa uthe loludaba luzaqhubeka ngoMgqibelo.
UChris Gande weStudio 7 uxoxe lengcwethi ecubungula ezomthetho, uMnu. Job Sibanda ukuze sizwe imbono yakhe ngaloludaba.
Kolunye udaba lwezemthethwandaba, umthethwandaba weMutare uphe isikhulumeli secelel leMDC-T eManicaland, uMnu. Pishai Muchauraya obotshwe ngoLwesihlanu ithuba lokuhlawula imali yesibambiso.
UMuchauraya wetheswa icala lokwethusela uNkosikazi Sophia Chirambambuya, obengumncedisi kalo obefuna ukumncintisa uMnu. Geof Nyarota esithi uzambulala. Kodwa umtshitshisi ubikwa ehle wavimba ithuba lokuthi uMuchauraya ahlawule ibail esebenzisa ingxenye yomthetho wezokuthoniswa.
Ngenyanga ka Mbimbitho amapholisa aya endlini kaMnu. Thabani Mpofu isisebenzi semahofisini kaMnu. Morgan Tsvangirai, umkhokheli welinye lamacele eMDC, aguduza indlu lemota esithi adinga amaphepha alotshwa ngumpofu okungekho emthethweni.
UMtetwa, oliqwetha lika Mpofu, ubikwa efike watshela amapholisa ukuthi ame ukuguduza ngoba engelancwadi evela emthethwandaba ewapha amandla okwenza lokhu. Njalo amapholisa athi wayethatha imfanekiso esithi uzayisa emaphephandani aphetsheya. Umtshutshisi, uMnu. Tawanda Zvekare ubize elinye ipholisa, uMnu. Luckson Mukazhi othe uMtetwa uthuke amapholisa ngolimi lwesiShona esithi yizinja zikaMugabe.
Kodwa igqwetha likaMtetwa, uMnu. Harrison Nkomo ulandule limbiko wathi uMtetwa, odabuka kwele Swaziland, ubengeke awakhulume la magama ngoba kasazi isiShona. UNkomo uthe kusobala ukuthi amapholisa alesikhwili loMtetwa oligqwetha elilwela amapungelo oluntu ngoba aya kowayengumkakhe edinga ubufakazi bokuthi abotshwe. Umantshi, uNkosazana Rumbidzai Mugwagwa uthe loludaba luzaqhubeka ngoMgqibelo.
UChris Gande weStudio 7 uxoxe lengcwethi ecubungula ezomthetho, uMnu. Job Sibanda ukuze sizwe imbono yakhe ngaloludaba.
Kolunye udaba lwezemthethwandaba, umthethwandaba weMutare uphe isikhulumeli secelel leMDC-T eManicaland, uMnu. Pishai Muchauraya obotshwe ngoLwesihlanu ithuba lokuhlawula imali yesibambiso.
UMuchauraya wetheswa icala lokwethusela uNkosikazi Sophia Chirambambuya, obengumncedisi kalo obefuna ukumncintisa uMnu. Geof Nyarota esithi uzambulala. Kodwa umtshitshisi ubikwa ehle wavimba ithuba lokuthi uMuchauraya ahlawule ibail esebenzisa ingxenye yomthetho wezokuthoniswa.