Umqondisi Wamapholisa Asebenza Nsitha eMelika Uthi Ugatsha Lwakhe Lwamlethela Ihlazo Ngokudutshulwa kukaTrump

Osaphethe isikhundla somqondisi wogatsha lwamaphosa asebenza nsitha eMelika olweSecret Service uMnu Ronald Rowe uthi uzwe efikelwa lihlazo elikhulu ngokwehluleka kogatsha lwakhe ukwenqabela ukudutshulwa kukaMnu Donald Trump ngesikhathi ekhankasela ukhetho ePennsylvania mhlaka 13 kulinyanga.

Esipha ubufakazi phambi kwamakomidi alelidale ngoLwesibili uRowe uthe amapholisa akhe enza iphutha ayengafanelanga alenze, waphinda wasola amapholisa esigaba sePennsylvania esithi lawo ehluleka ukupha iSecret Service imininingwana egcweleyo eyayilakho ukwenqabela isehlakalo lesi.

Umsekeli kamqondisi wogatsha lweFBI uMnu Paul Abbate laye uphe ubufakazi watshela amalunga alelidale ukuthi umsolwa, owadutshulwa wafa, ukhanya wayezonda amaJuda labantu bokuza.

Kusenjalo, lulokhe lusemilonyeni yabanengi udaba olwethulwe nguMongameli weMelika uMnu Joe Biden, yena uthi kumele kuguqulwe indlela abahluleli benkantolo yeSupreme Court abasebenza ngayo.

UBiden uthi abahluleli kumele bevunyelwe ukusebenza okweminyaka elitshumi lasitshiyangalombili, 18 years kuphela, hatshi okwempilo zabo zonke njengalokhu okwenzakalayo okwamanje.

Olandela ezombusazwe zeMelika uMnu Tim Muringai utshele iStudio 7 ukuthi lanxa iPhalamende yeMelika ilakho ukuhlaziya linguquko, kaboni iyamukela isiba ngumthetho.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:56 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala