WASHINGTON DC —
Umphathintambo obona ngokwethulwa kwembiko uMnu Jonathan Moyo uqhubeke ngohlelo lwakhe lokudinga ubudlelwano obuhle lentatheli ngokwethekelela amahofisi ephephandaba leFinancial Gazette ngoMvulo.
Ekhuluma lentathelizindaba zaleliphepha uMoyo uthe udinga ubudlelwano obuhle lazo zonke intathelizindaba kungakhathalekile ukuthi zisebenzela amaphepha kahulumende kumbe azimeleyo.
UMoyo lomsekeli wakhe uMnu Super Mandiwanzira sebeke bethekelela amahofisi amaphephandaba azimeleyo agoqela iDaily News kanye leNews Day.
UMoyo uke waba kusikhundla esifanayo phakathi kuka2000 lo2005 lapho alethe khona inguquko kwezokwethulwa kwemibiko egoqela imithetho encindezelayo efana leAippa.
Wetheswa njalo umlandu wokuhlukuluza intathelizindaba, ikakhulu ebezisebenzela amaphephandaba azimleyeo ngalesosikhathi lokuvala iphephandaba leDaily News.
Umgcinisihlalo wenhlanganiso ekhankasela ukulondolozwa kwamalungelo entathelizindaba iMisa-Zimbabwe, uMnu Njabulo Ncube uthi inhlanganiso yakhe ilethemba uMoyo uqinisile ngokudinga ukudlelana kuhle lentathelizindaba.
UMoyo ubikwa ezaletha inguquko enkulu kunkokheli yamaphephandaba lemisakazo kahulumende egoqela iphephandaba leHerald, iChronicle kanye lemisakazo yeZBC.
Intathelizindaba ezinengi kulawamankampani zibikwa sezidlela evalweni zisesaba ukulahlekelwa yimisebenzi.
Ekhuluma lentathelizindaba zaleliphepha uMoyo uthe udinga ubudlelwano obuhle lazo zonke intathelizindaba kungakhathalekile ukuthi zisebenzela amaphepha kahulumende kumbe azimeleyo.
UMoyo lomsekeli wakhe uMnu Super Mandiwanzira sebeke bethekelela amahofisi amaphephandaba azimeleyo agoqela iDaily News kanye leNews Day.
UMoyo uke waba kusikhundla esifanayo phakathi kuka2000 lo2005 lapho alethe khona inguquko kwezokwethulwa kwemibiko egoqela imithetho encindezelayo efana leAippa.
Wetheswa njalo umlandu wokuhlukuluza intathelizindaba, ikakhulu ebezisebenzela amaphephandaba azimleyeo ngalesosikhathi lokuvala iphephandaba leDaily News.
Umgcinisihlalo wenhlanganiso ekhankasela ukulondolozwa kwamalungelo entathelizindaba iMisa-Zimbabwe, uMnu Njabulo Ncube uthi inhlanganiso yakhe ilethemba uMoyo uqinisile ngokudinga ukudlelana kuhle lentathelizindaba.
UMoyo ubikwa ezaletha inguquko enkulu kunkokheli yamaphephandaba lemisakazo kahulumende egoqela iphephandaba leHerald, iChronicle kanye lemisakazo yeZBC.
Intathelizindaba ezinengi kulawamankampani zibikwa sezidlela evalweni zisesaba ukulahlekelwa yimisebenzi.