WASHINGTON DC —
Umongameli Robert Mugabe usethese abanye bakhe icala lokusebenzelana lebandla leMDC-T phambilini kokhetho luka2008.
Ekhuluma embikweni wakhe weminyaka yonke phambilini kokuthakazalela ilanga lakhe lokuzalwa emsakazweni we ZBC uMugabe uthe udaba lozamelama akumelanga luthinthwe ngoba kungakabi lesikhundla esigodlweni se Statehouse. Lokhu ngokwakuqala ukuthi uMugabe aveze lesi sehlakalo esaphiwa igama lokuthi ibhola egangeni ngomnyaka ka 2008.
Lokhu yikho okuthiwa, ngezinye ingcwethi ezicubungula ezombusazwe, kwenzakale lakumnumzana Morgan Tsvangirai kukhetho olwedluleyo lapho ababedinga ukumela ibandla lakhe edale lephalamende bekhankase gadalala kodwa esikhundleni sikamongameli amalunga la agoqa izandla.
Umongameli Mugabe uthi labo abazithi bakhokhela amacele eZanu PF kumele babelenhloni. Kubikwa kulamacele amabili kubandla leZanu PF, elinye likhokhelwa ngumsekeli kaMugabe, uNkosikazi Joyce Mujuru kuthi elinye likhokhelwa ngumnumzana Emmerson Mnangagwa ongunobhala webandla.
Uphinde wasola iziphathamandla zamankampani eziziholisa imali enengi okwesabekayo esithi zizajeziswa.
Abanengi ababukele loludaba luphuma kumabonakude weZTV bamangaliswe yisimo sika Mugabe besithi usekhuluma okwekhehla esokumele liyeziphumulela ekhaya labazukulu.
UChris Gande weStudio Seven uxoxe lengcwethi ecubungula ezombusazwe, umnumzana Brilliant Mhlanga othi abantu beZanu PF bale sono ngokuhlukumeza ukhulu oseziluphalele ukuthi abe lokhe esindwa ngumsebenzi wokukhokhela ilizwe kulokuthi ayeziphumulela.
Ekhuluma embikweni wakhe weminyaka yonke phambilini kokuthakazalela ilanga lakhe lokuzalwa emsakazweni we ZBC uMugabe uthe udaba lozamelama akumelanga luthinthwe ngoba kungakabi lesikhundla esigodlweni se Statehouse. Lokhu ngokwakuqala ukuthi uMugabe aveze lesi sehlakalo esaphiwa igama lokuthi ibhola egangeni ngomnyaka ka 2008.
Lokhu yikho okuthiwa, ngezinye ingcwethi ezicubungula ezombusazwe, kwenzakale lakumnumzana Morgan Tsvangirai kukhetho olwedluleyo lapho ababedinga ukumela ibandla lakhe edale lephalamende bekhankase gadalala kodwa esikhundleni sikamongameli amalunga la agoqa izandla.
Umongameli Mugabe uthi labo abazithi bakhokhela amacele eZanu PF kumele babelenhloni. Kubikwa kulamacele amabili kubandla leZanu PF, elinye likhokhelwa ngumsekeli kaMugabe, uNkosikazi Joyce Mujuru kuthi elinye likhokhelwa ngumnumzana Emmerson Mnangagwa ongunobhala webandla.
Uphinde wasola iziphathamandla zamankampani eziziholisa imali enengi okwesabekayo esithi zizajeziswa.
Abanengi ababukele loludaba luphuma kumabonakude weZTV bamangaliswe yisimo sika Mugabe besithi usekhuluma okwekhehla esokumele liyeziphumulela ekhaya labazukulu.
UChris Gande weStudio Seven uxoxe lengcwethi ecubungula ezombusazwe, umnumzana Brilliant Mhlanga othi abantu beZanu PF bale sono ngokuhlukumeza ukhulu oseziluphalele ukuthi abe lokhe esindwa ngumsebenzi wokukhokhela ilizwe kulokuthi ayeziphumulela.
