WASHINGTON DC —
UMongameli Robert Mugabe uphindele ekhaya ngoLwesihlanu evela kwele Singapore lapho abikwa ubeyekwelatshwa amehlo.
UMugabe oseleminyaka engamatshumi athoba munwe munye uke waya khonale eSingapore ekuqaleni komnyaka esiyakwelatshwa njalo amehlo. Ekuqaleni kwayonale iviki umsakazo wakwele Bhilitane owe Channel 4 News wethule umfanekiso kamabonakude owevideo utshengisa uMugabe engena esibhedlela se Singapore ehamba lonkosikazi wakhe, uGrace.
Isikhulumeli sakhe, uMnu. George Charamba utshele iphephandaba le The Standard ukuba uMugabe ukhangelelwe ukusuka njalo elizweni ngoMgqibelo elubhekise kwele South Africa emkhosini wokugcotshwa kukamongameli Jacob Zuma walelo lizwe osandakunqoba kukethotho lokudinga umongameli ukuze abuse okweminye njalo iminyaka emihlanu elandelayo.
Ukuhlaziya loludaba uChris Gande we Studio Seven uxoxe lengcwethi ecubungula ezombusazwe, uMnu. Zenzo Nkomo ochasisa imbono yakhe ngodaba lokuthi kungani uMugabe angahle afike edlulela masinyazanyana kangaka egijimelani vele ekugcotshweni kukaZuma. Umbuzo osemlonyeni wabanengi ngothi ukuhamba kwakhe emkhosini lo kuqakatheke okungakanani?
UMugabe oseleminyaka engamatshumi athoba munwe munye uke waya khonale eSingapore ekuqaleni komnyaka esiyakwelatshwa njalo amehlo. Ekuqaleni kwayonale iviki umsakazo wakwele Bhilitane owe Channel 4 News wethule umfanekiso kamabonakude owevideo utshengisa uMugabe engena esibhedlela se Singapore ehamba lonkosikazi wakhe, uGrace.
Isikhulumeli sakhe, uMnu. George Charamba utshele iphephandaba le The Standard ukuba uMugabe ukhangelelwe ukusuka njalo elizweni ngoMgqibelo elubhekise kwele South Africa emkhosini wokugcotshwa kukamongameli Jacob Zuma walelo lizwe osandakunqoba kukethotho lokudinga umongameli ukuze abuse okweminye njalo iminyaka emihlanu elandelayo.
Ukuhlaziya loludaba uChris Gande we Studio Seven uxoxe lengcwethi ecubungula ezombusazwe, uMnu. Zenzo Nkomo ochasisa imbono yakhe ngodaba lokuthi kungani uMugabe angahle afike edlulela masinyazanyana kangaka egijimelani vele ekugcotshweni kukaZuma. Umbuzo osemlonyeni wabanengi ngothi ukuhamba kwakhe emkhosini lo kuqakatheke okungakanani?
