HARARE —
UMongameli Robert Mugabe unqume ukuba ukhetho olukhulu lweZimbabwe soluzakwenziwa mhla ka 31 Ntulikazi lonyaka.
UMugabe uthi wenze lokhu elandela isinqumo sedale leConstitutional Court esithi ukhetho lwenziwe lolusuku lungakedluli.
UMongameli Mugabe uthi idale re Nominations Court selizakwamukela amagama abazancintisa kulolukhetho ekupheleni kwayonale inyanga kaNhlangula.
Kodwa inhloko kahulumende uMnumzana Tsvangirayi uthi akazange alitholiswe ithuba lokubonisana phezu kokuba luqhutshwe nini lolukhetho kodwa ubone ngencwadi nje ayibhalelwe nguMugabe ngoLwesine ekuseni.
UTsvangirai, okhokhela elinye lamacele eMDC, uthi kabakwamukeli lokho osekubethwe nguMugabe phezu kosuku okumele ukhetho luqhutshwe ngalo.
Icele leMDC ekhokhelwa nguMnumzana Welshman Ncube lithi alijabuliswa ngitsho lakancane ngokwenza kuka Mugabe.
Unobhala jikelele kulelibandla uNkosikazi Priscilla Misihairabwi Mushonga uthi okwenziwe nguMugabe kuphambana lalokho okuvunyelanwe emhlanganweni wedale labaphantintambo eleCabinet owenziwe ngoLwesibili kuyonale iviki.
Okhokhela elinye lamacele Emdc, iMDC99 uMnumzana Job Sikhala uthi akumangalisi ukwenza kuka Mugabe ngoba ehlezi ezenzela santando njalo ehlukuluza amanye amabandla akuhulumende womanyano.
Umkhokheli webandla leDemocratic Party, uMnumzana Urayayi Zembe, uthi ukhetho lwaloluhlobo njengalolo oludingwa ngu Mugabe lulakho ukubangela udlakela.
UMugabe usebenzise amandla akhe okuba ngumongameli wasayina okuguqulwe yiCabinet emthethweni obona ngezokhetho owe Electoral Act.
Okuvunyelanwe liqula labaphathintambo laba bekumele kuhluzisiswe kuqala edale lephalamende kanye lele Senate uMongameli Mugabe engakakusayini.
Phambilini kokwaziswa kwelanga lokhetho umthethwandaba waphezulu weHigh Court uke wamisa ukuzwa udaba luka Mnumzana Tavengwa Bukaibenyu ohlala eSouth Africa yena ofuna ukuba izizalwane zakuleli ezisemazweni zivunyelwe ukuvhota kulolukhetho lwalonyaka.
UBukaikwenyu uthi umthetho weElectoral Act wephula ilungelo labahlala kwamanye amazwe lokuvhota njengoba ungabavumeli ukuthumela amavhoti abo ngeposo zisemazweni abahlala kiwo.
Ukuhlaziya loludaba uNtungamili Nkomo weStudio 7 uxoxe lommeli weInsiza South edale lephalamende uMnumzana Siyabonga Malandu Ncube endawonye lomqondisi wenhlanganiso yeBulawayo Agenda uMnu Thabani Nyoni.
UNyoni uthi uMugabe uphambanise kakhulu ngokunquma ilanga lokhetho engakhulumisananga labanye bakhe alabo kuhulumende womanyano njalo engaphanga idale lephalamende ithuba lokuhlaziya inguquko enziwe lidale labampathintambo ele Cabinet kumthetho wokuvota owe Electoral Act.
UMugabe uthi wenze lokhu elandela isinqumo sedale leConstitutional Court esithi ukhetho lwenziwe lolusuku lungakedluli.
UMongameli Mugabe uthi idale re Nominations Court selizakwamukela amagama abazancintisa kulolukhetho ekupheleni kwayonale inyanga kaNhlangula.
Kodwa inhloko kahulumende uMnumzana Tsvangirayi uthi akazange alitholiswe ithuba lokubonisana phezu kokuba luqhutshwe nini lolukhetho kodwa ubone ngencwadi nje ayibhalelwe nguMugabe ngoLwesine ekuseni.
UTsvangirai, okhokhela elinye lamacele eMDC, uthi kabakwamukeli lokho osekubethwe nguMugabe phezu kosuku okumele ukhetho luqhutshwe ngalo.
Icele leMDC ekhokhelwa nguMnumzana Welshman Ncube lithi alijabuliswa ngitsho lakancane ngokwenza kuka Mugabe.
Unobhala jikelele kulelibandla uNkosikazi Priscilla Misihairabwi Mushonga uthi okwenziwe nguMugabe kuphambana lalokho okuvunyelanwe emhlanganweni wedale labaphantintambo eleCabinet owenziwe ngoLwesibili kuyonale iviki.
Okhokhela elinye lamacele Emdc, iMDC99 uMnumzana Job Sikhala uthi akumangalisi ukwenza kuka Mugabe ngoba ehlezi ezenzela santando njalo ehlukuluza amanye amabandla akuhulumende womanyano.
Umkhokheli webandla leDemocratic Party, uMnumzana Urayayi Zembe, uthi ukhetho lwaloluhlobo njengalolo oludingwa ngu Mugabe lulakho ukubangela udlakela.
UMugabe usebenzise amandla akhe okuba ngumongameli wasayina okuguqulwe yiCabinet emthethweni obona ngezokhetho owe Electoral Act.
Okuvunyelanwe liqula labaphathintambo laba bekumele kuhluzisiswe kuqala edale lephalamende kanye lele Senate uMongameli Mugabe engakakusayini.
Phambilini kokwaziswa kwelanga lokhetho umthethwandaba waphezulu weHigh Court uke wamisa ukuzwa udaba luka Mnumzana Tavengwa Bukaibenyu ohlala eSouth Africa yena ofuna ukuba izizalwane zakuleli ezisemazweni zivunyelwe ukuvhota kulolukhetho lwalonyaka.
UBukaikwenyu uthi umthetho weElectoral Act wephula ilungelo labahlala kwamanye amazwe lokuvhota njengoba ungabavumeli ukuthumela amavhoti abo ngeposo zisemazweni abahlala kiwo.
Ukuhlaziya loludaba uNtungamili Nkomo weStudio 7 uxoxe lommeli weInsiza South edale lephalamende uMnumzana Siyabonga Malandu Ncube endawonye lomqondisi wenhlanganiso yeBulawayo Agenda uMnu Thabani Nyoni.
UNyoni uthi uMugabe uphambanise kakhulu ngokunquma ilanga lokhetho engakhulumisananga labanye bakhe alabo kuhulumende womanyano njalo engaphanga idale lephalamende ithuba lokuhlaziya inguquko enziwe lidale labampathintambo ele Cabinet kumthetho wokuvota owe Electoral Act.