HARARE —
Umkhokheli welinye lamacele eMDC onguye njalo inhloko kahulumende uMnu. Morgan Tsvangirayi, wazise ukuba usezaphuma ijumo ngeviki ezayo esiyahlangana lenkokheli zamazwe awe SADC kanye lawe African Union. Lokhu uthi ukwenza ngenhloso yokudinga usekelo lokuthi uMongameli Robert Mugabe abanjwe ngamandla ukulandela iziqondiso ezisaleyo zesivumelwano sokubunjwa kukahulumende womanyano andubana kuyiwe kukhetho.
UTsvangirayi utshele intathelizindaba emhlanganweni owenzelwe emahofisini ebandla lakhe e Harvest House eHarare ngolweSine ethi abebandla lakhe bakubone kufanele ukuba bathathe leli nyathelo ukuze uzulu aphatheke kukhetho uqobo njalo olukhululekileyo.
Abe MDC bathi abenhlanganiso ebona ngezokuqhutshwa kokhetho eye ZEC kumele basebenze bezimele hatshi ukuthatha uhlangothi kwezombusazwe.
Bakhuthaza abe ZEC ukuba baqhube inhlelo zokufundisa uzulu phezu kokuqakatheka kokuphatheka kukhetho kanye lokuba bavhote ngokuthula.
Bathi njalo ukhetho kumele luqhutshwe kulandelwa iziqondiso zenhlanganiso ye SADC njengalokho okwenziwe emazweni abalisa eleZambia kanye le Kenya.
UTsvangirai ugcizelele ukuba abezomvikela bamele behlukane lomkhuba wokuphatheka kwezombusazwe.
Lalabo abazakuqhuba umsebenzi wokubhalisa abazaphatheka kulolu khetho kube ngabavela kumabandla wonke phansi kweziqondiso zesivumelwano sikahulumende womanyano.
UTsvangirayi utshele intathelizindaba emhlanganweni owenzelwe emahofisini ebandla lakhe e Harvest House eHarare ngolweSine ethi abebandla lakhe bakubone kufanele ukuba bathathe leli nyathelo ukuze uzulu aphatheke kukhetho uqobo njalo olukhululekileyo.
Abe MDC bathi abenhlanganiso ebona ngezokuqhutshwa kokhetho eye ZEC kumele basebenze bezimele hatshi ukuthatha uhlangothi kwezombusazwe.
Bakhuthaza abe ZEC ukuba baqhube inhlelo zokufundisa uzulu phezu kokuqakatheka kokuphatheka kukhetho kanye lokuba bavhote ngokuthula.
Bathi njalo ukhetho kumele luqhutshwe kulandelwa iziqondiso zenhlanganiso ye SADC njengalokho okwenziwe emazweni abalisa eleZambia kanye le Kenya.
UTsvangirai ugcizelele ukuba abezomvikela bamele behlukane lomkhuba wokuphatheka kwezombusazwe.
Lalabo abazakuqhuba umsebenzi wokubhalisa abazaphatheka kulolu khetho kube ngabavela kumabandla wonke phansi kweziqondiso zesivumelwano sikahulumende womanyano.
