Obengumsekeli kanobhala obona ngokuqoqwa kwenhlelo zebandla le MDC-T, uMnu. Thamsanqa Mahlangu kasekekho. UMahlangu, obemela isigaba seNkulumane, ubhubhe ngoMvulo emadabuka kusa esibhedlela esingaqanjwanga ngegama koBulawayo.
Ubegula okwesikhathi eside njalo akukaziswa ukuthi ubebulawa ngumkhuhlane bani.
UMahlangu, owake waba ngumsekeli kamphathintambo wezabasakhulayo, utshiye uNkosikazi wakhe, uBrenda Zaranyika labantwana ababili abangabafana uMunyaradzi oleminyaka elitshumi lane loZibusiso oleminyaka eyisithupha.
Ibandla leMDC-T litshengise ukudana ngemfa kaMahlangu lisithi wayengumuntu olesibindi ongomunye wabasungula ibandla le MDC-T.
“Silahlekelwe ngumuntu obekwazi ukuqoqa abasekeli njalo ekhokhela ephambili engatshedeli emuva,” kutsho ibandla le MDC-T kumbiko lelibandla elethule namhla.
Akuzaziwa ukuthi uzabekwa ngaphi kumbe nini. Sixoxe lonobhala obona ngokuqoqwa kwenhlelo zebandla leMDC-T, uMnu. Abednico Bhebhe utshele uChris Gande weStudio Seven ukuthi isililo senzelwa eNulumane ku 15053 Nkulumane 12.
