WASHINGTON DC —
Uhulumende weZimbabwe usebize ummeli wakweleMelika eZimbabwe, uMnu. Bruce Wharton ukuthi azocasisa ukuthi kungani uhulumende wakhe ephethe kubi umphathintambo weZimbabwe, wezobudlelwano lamanye amazwe, uMnu. Simbarashe Mbengegwi egcekeni lendizamtshina kulelo lizwe.
UMbegegwi ubevela edolobheni le New York emhlanganweni wenhlanganiso yomanyano wamazwe womhlaba eye United Nations lapho abikwa emiswe emzileni wabantu makhaza waphumputhwa waphumputwha umzimba wonke yena emele azidlulele ngenxa yesimo sakhe emphakathini nxa kukhangelwe ingwalo zokuhambisa ahamba ngazo, ipassport.
Lesi sehlakalo sibikwa sitshengisa sobala isibanga sokonakala kobudlelwano beleMelika leleZimbabwe. UWharton ubikwa exolisile wathembisa ukuthi isehlakalo esinje kasizoze senzakale njalo.
EleMelika ngelinye lamazwe ayala ukwemukela impumela yokhetho olwenziwa ngenyanga ka Ntulikazi lapho uMongameli Robert Mugabe anqobe umnumzana Morgan Tsvangirai, lisithi kwaba lokuqilibezela.
Unobhala wezenzakala kwamanye amazwe, uMnu. Joey Bimha, utshele iStudio 7 ukuthi ukhulumisane loWharton othe usakhulumisana leWashington andubana aphendule ukukhonona okwenza uhulumende weZimbabwe.
Kodwa owake waba ngumsekeli kamphathintambo wezenzkala phandle kwelizwe, uMnumzana Moses Mzila Ndlovu uchasisele iStudio 7 ukuthi uMbengegwi kungaba kukhona angakwenzanga ukuze aphiwe inhlonipho yesiphathamandla esiqakathekileyo selinye ilizwe.
UMbegegwi ubevela edolobheni le New York emhlanganweni wenhlanganiso yomanyano wamazwe womhlaba eye United Nations lapho abikwa emiswe emzileni wabantu makhaza waphumputhwa waphumputwha umzimba wonke yena emele azidlulele ngenxa yesimo sakhe emphakathini nxa kukhangelwe ingwalo zokuhambisa ahamba ngazo, ipassport.
Lesi sehlakalo sibikwa sitshengisa sobala isibanga sokonakala kobudlelwano beleMelika leleZimbabwe. UWharton ubikwa exolisile wathembisa ukuthi isehlakalo esinje kasizoze senzakale njalo.
EleMelika ngelinye lamazwe ayala ukwemukela impumela yokhetho olwenziwa ngenyanga ka Ntulikazi lapho uMongameli Robert Mugabe anqobe umnumzana Morgan Tsvangirai, lisithi kwaba lokuqilibezela.
Unobhala wezenzakala kwamanye amazwe, uMnu. Joey Bimha, utshele iStudio 7 ukuthi ukhulumisane loWharton othe usakhulumisana leWashington andubana aphendule ukukhonona okwenza uhulumende weZimbabwe.
Kodwa owake waba ngumsekeli kamphathintambo wezenzkala phandle kwelizwe, uMnumzana Moses Mzila Ndlovu uchasisele iStudio 7 ukuthi uMbengegwi kungaba kukhona angakwenzanga ukuze aphiwe inhlonipho yesiphathamandla esiqakathekileyo selinye ilizwe.
