Umphathintabo wezemali, uMnu. Patrick Chinamasa uthi idolobho leHwange ebeliphansi kwenkampani emba amalahla, eye Hwange Colliery, selizakuba phansi kukahulumende.
Esethula amazi akhe aphathelane lendleko zemali esetshenziswe nguhulumende kuwonalo omnyaka eye Mid Term Fiscal Policy Review ngoLwesine, uMnu. Chinamasa uthe imali engamadola adlula kusilinganiso phose amatshumi ayithoba munwe munye eyatholwa nguhulumende kusukela ngenyanga kaZibandlela kusiya kuNhlangula yasetshenziswa ukubhadala izisebenzi zikahulumende.
UChinamasa ukhangelelwe ukwethula uluhlu lwendleko zikahulumende olomnyaka ozayo, ngenyanga kaLwezi.
UChinamasa wazise njalo ukuthi uhulumende wayekhangelele ukuthola imali engamadola angamabhiliyoni phose amabili kodwa kwatholakala engamadola alibhiliyoni elilodwa, i$1.69 billion.
Ukuhlaziya loludab sixoxe lengcwethi ecubungula ezombusazwe, uMnu. Zenzele Ndebele othe amazwi kaChinamasa awaphanga ithemba kuzulu lokuthi elakusasa lizakuba ngcono.
