WASHINGTON DC —
Umphathintambo wezemithetho uMnu. Patrick Chinamasa lokhe eqinisa ikhanda ngokwala ukulandela okuvunyelenwe zinkokheli ngoLwesithathu, wacela idale ukuba libekwe emphakathini ngesiphangiphangi udaba alukhweze edale le Constitutional Court ngoLwesibili kungekho nguquko.
Eyinye inkokheli yamabandla akuhulumende womanyano itshengise ukukhonona phezu kokwenza kuka Chinamasa ngoba eyekwethula lamaphepha edale engazange abonisane labanye bakhe.
Lokhu kuza ngemva kokuba inkokheli zamabandla kuhulumende womanyano ngoLwesine zinqume ukuba kukhwezwe amaphepha amatsha alemibono yamabandla womathathu phezu kokuba ludluliselwe phambili usuku lokhetho.
Umnu. Freddy Gijima, igqwetha lika Chinamasa ekade lisemthethwandaba ngoLwesine litshele intathelizindaba ukuthi uChinamasa uthi kasoze abuyele emuva ngodaba lolu.
Uvika ngokuthi ulandela isinqumo se Southern African Development Community esithi kumele amabandla akuhulumende womanyano ahlale phansi ahlafune udaba lolu engakayi emthethwandaba lapho azacela khona ukuthi ukhetho lungenziwa mhlaka 31 ngoNtulikazi.
Ilanga leli libkwe nguMongameli Robert Mugabe esebenzisa amandla akhe ePresidential Powers. Leli nyathelo licunule amabandla ezombusazwe athi kumele kuguqulwe okunengi eZimbabwe kungakenziwa ukhetho.
Amacele womabili eMDC athi okwenziwa nguChinamasa akuvumelwananga ngamabandla akuhulumende womanyano.
Ukuze sihlaziye udaba lolu, akesizwe uMnu. Morris Ngwenya we Zanu PF lo Mnu. Nhlanhla Dube isikhulumeli sebandla le MDC elikhokhelwa nguMnu. Welshman Ncube.
UNgwenya uthe kulungile okwenziwe nguChinamasa njengoba elandela izinqumo ze SADC. Kodwa-ke uDube uthi uChinamasa wephule zonke izinqumo ze SADC lalezo ezenziwe yinkokheli yelizwe.
Eyinye inkokheli yamabandla akuhulumende womanyano itshengise ukukhonona phezu kokwenza kuka Chinamasa ngoba eyekwethula lamaphepha edale engazange abonisane labanye bakhe.
Lokhu kuza ngemva kokuba inkokheli zamabandla kuhulumende womanyano ngoLwesine zinqume ukuba kukhwezwe amaphepha amatsha alemibono yamabandla womathathu phezu kokuba ludluliselwe phambili usuku lokhetho.
Umnu. Freddy Gijima, igqwetha lika Chinamasa ekade lisemthethwandaba ngoLwesine litshele intathelizindaba ukuthi uChinamasa uthi kasoze abuyele emuva ngodaba lolu.
Uvika ngokuthi ulandela isinqumo se Southern African Development Community esithi kumele amabandla akuhulumende womanyano ahlale phansi ahlafune udaba lolu engakayi emthethwandaba lapho azacela khona ukuthi ukhetho lungenziwa mhlaka 31 ngoNtulikazi.
Ilanga leli libkwe nguMongameli Robert Mugabe esebenzisa amandla akhe ePresidential Powers. Leli nyathelo licunule amabandla ezombusazwe athi kumele kuguqulwe okunengi eZimbabwe kungakenziwa ukhetho.
Amacele womabili eMDC athi okwenziwa nguChinamasa akuvumelwananga ngamabandla akuhulumende womanyano.
Ukuze sihlaziye udaba lolu, akesizwe uMnu. Morris Ngwenya we Zanu PF lo Mnu. Nhlanhla Dube isikhulumeli sebandla le MDC elikhokhelwa nguMnu. Welshman Ncube.
UNgwenya uthe kulungile okwenziwe nguChinamasa njengoba elandela izinqumo ze SADC. Kodwa-ke uDube uthi uChinamasa wephule zonke izinqumo ze SADC lalezo ezenziwe yinkokheli yelizwe.
