BULAWAYO —
Ukhetho luqhutshwe ngokuthula koBulawayo lapho okuvuke kulendwendwe zabantu ngehola lesikhombisa ekuseni kodwa kwathi sokusiyatshaya ihola letshumi lanye sokungela mizila emide ngaphandle kwendawo nje ezinlutshwane.
Inengi labantu bakoBulawayo lithethe isixwayiso senhlanganiso ekhangela ukuqhutshwa kokhetho iZimbabwe Electoral Commission ukuthi liyevota ekuseni lahle layakhona indawo zokuvotela zingakavuli zavula sebelapho.
Lanxa kuqale kulemizila emide abantu baqinisele kubanda nje endaweni ezinjenge Stanley Hall eMakokoba lase Mgoqo Primary School eNkulumane obekumiwa phose ihola lengxenye ekuseni umuntu engakavoti.
Indawo ezinengi kuthe kutshaya ihola letshumi lanye imizila isiphelile abantu sebengena nje ngaphandle kwe Stanley Hall obelokhu kulabantu abanengi kwaze kwaba semini.
Umkhokheli wecele le Movement for Democratic Change, uMnumzana Welshman Ncube, ovotele eStanley Hall ekuseni, uthi ulethemba lokuthi wonke umuntu uzavota nxa iZEC ithe yalandela umthetho wokuthi ivotise wonke umuntu oyabe esemzileni kutshaya ihola lesikhombisa ntambama.
Uthi lumsebenzi awusekho ezandleni zabamabandla ezombusazwe kodwa amandla asebantwini ukwenza intando yabo alethemba ukuthi izalandelwa.
Abanye njalo abavotele eStanley Hall ngumsekeli kamongameli wecele le MDC ekhokhelwa nguMnuzana Morgan Tsvangirai, uNkosazana Thokozani Khupe kanye lomgcinisihlalo walelibandla koBulawayo njalo edinga ukumela imakokoba ku House of Assembly, uMnumzana Gorden Moyo.
UNkosazana Sithabile Dube,isakhamuzi, ovotele eMahatshula, uthi yena ubhalise ngenyanga kanhlangula kodwa ufice ibizo lakhe lingekho kuluhlu lwalabo abavotayo kodwa uvunyelwe ukuvota esebatshengisa iphetshana lokuthi wabhalisa - i Registration Slip.
Kuthe kusiyatshaya ihola letshumi lanye esikolo se Eveline sokwehluleke ukuvota abantu abangamatshumi amabili lasitshiyagalolunye – 29 eRaylton Club abalitshumi lasitshiyagalolunye – 19, bonke kungabahambe ku ward engayisiyo.
EStanley Hall kulobaba oyedwa obanjwe yimitshina esezama ukuvota okwesibili kwathi eRaylton kwaba lowebutho ozame ukuvota kodwa kwavela ukuthi wavota ku Special Voting. Ukubala kukhangelelwe ukuqala lngoLwesithathu kuqedwa ukuvota kuhle kuqale ukuphuma impumela yabokhansila.
Inengi labantu bakoBulawayo lithethe isixwayiso senhlanganiso ekhangela ukuqhutshwa kokhetho iZimbabwe Electoral Commission ukuthi liyevota ekuseni lahle layakhona indawo zokuvotela zingakavuli zavula sebelapho.
Lanxa kuqale kulemizila emide abantu baqinisele kubanda nje endaweni ezinjenge Stanley Hall eMakokoba lase Mgoqo Primary School eNkulumane obekumiwa phose ihola lengxenye ekuseni umuntu engakavoti.
Indawo ezinengi kuthe kutshaya ihola letshumi lanye imizila isiphelile abantu sebengena nje ngaphandle kwe Stanley Hall obelokhu kulabantu abanengi kwaze kwaba semini.
Umkhokheli wecele le Movement for Democratic Change, uMnumzana Welshman Ncube, ovotele eStanley Hall ekuseni, uthi ulethemba lokuthi wonke umuntu uzavota nxa iZEC ithe yalandela umthetho wokuthi ivotise wonke umuntu oyabe esemzileni kutshaya ihola lesikhombisa ntambama.
Uthi lumsebenzi awusekho ezandleni zabamabandla ezombusazwe kodwa amandla asebantwini ukwenza intando yabo alethemba ukuthi izalandelwa.
Abanye njalo abavotele eStanley Hall ngumsekeli kamongameli wecele le MDC ekhokhelwa nguMnuzana Morgan Tsvangirai, uNkosazana Thokozani Khupe kanye lomgcinisihlalo walelibandla koBulawayo njalo edinga ukumela imakokoba ku House of Assembly, uMnumzana Gorden Moyo.
UNkosazana Sithabile Dube,isakhamuzi, ovotele eMahatshula, uthi yena ubhalise ngenyanga kanhlangula kodwa ufice ibizo lakhe lingekho kuluhlu lwalabo abavotayo kodwa uvunyelwe ukuvota esebatshengisa iphetshana lokuthi wabhalisa - i Registration Slip.
Kuthe kusiyatshaya ihola letshumi lanye esikolo se Eveline sokwehluleke ukuvota abantu abangamatshumi amabili lasitshiyagalolunye – 29 eRaylton Club abalitshumi lasitshiyagalolunye – 19, bonke kungabahambe ku ward engayisiyo.
EStanley Hall kulobaba oyedwa obanjwe yimitshina esezama ukuvota okwesibili kwathi eRaylton kwaba lowebutho ozame ukuvota kodwa kwavela ukuthi wavota ku Special Voting. Ukubala kukhangelelwe ukuqala lngoLwesithathu kuqedwa ukuvota kuhle kuqale ukuphuma impumela yabokhansila.