Umphathintambo obona ngokwethulwa kwemibiko uMnu Jonathan Moyo usesole idale elithetha indaba eziphathelane lesisekelo sombuso eleConstitutional Court ngokuthi umthetho weCriminal Defamation ulokhu usebenza phansi kwesisekelo sombuso esitsha.
Lelidale lalike lanquma ngomnyaka odluleyo phansi kwesisekelo esidala ukuthi umthetho lo uyancindezela, ngalokho kumele wesulwe.
Kodwa ngeviki edluleyo lelidale lithe umthetho lo ulokhu usebenza ngoba kungakabi lomuntu osewuphikisile phansi kwesisekelo sombuso esitsha.
Umthetho lo uhlezi usetshenziswa ukuhlukuluza intathelizindaba lozulu ochothoza ikakhulu uMongameli Mugabe labanye abezombusazwe.
Embikweni awethule ngoMvulo, uMnu Moyo usole iConstirurional Court esithi iphambanisile.
Sixhume ingcwethi ebona ngokwethulwa kwemibiko uMnu Zenzele Ndebele.
