WASHINGTON DC —
Isikhulu sakweleBhilithani, uMnu Mo Ibrahim, yena okhankasela umbuso okhululekileyo eAfrica uthi eleZimbabwe lilakho ukuthuthuka kakhulu kwezenotho kodwa libiselwa muva ngumbuso omubi.
Emazwini awethule ngoMvulo, uMnu Ibrahim ukhuthaze izizalwane zeZimbabwe ukuthi zisebenze ndawonye zilungisise zonke inkinga zombusazwe ezibhekane lazo.
UMnu Ibrahim yisizalwane seBhilithani kodwa wazalelwa kweleSudan. Inotho yakhe ibikwa ingena kumabhiliyoni njalo ngomunye wabantu abanothe kakhulu emhlabeni jikelele.
Ungumkhokheli njalo wenhlanganiso yeIbrahim Foundation, yona elomvuzo we$5 million ophiwa umkhokheli weAfirca ngomnyaka oyabe etshengise ukuzinikela ekuthuthukiseni impilakahele kazulu lokunanza umbuso wentando kazulu.
Asebethole lumvuzo eminyakeni edluleyo babalisa uMnu Joachim Chisano weleMozambique, uMnu Festus Mogae loMnu Pedros Pires weleCape Verde.
Kodwa lonyaka iIbrahim Foundation ithi ayimtholanga ofaneleyo ukuwuthola lumvuzo.
Ingcwethi kwezombusazwe uMnu Nkululeko Sibanda, ofundisa eHuddersfield University eBhilithani othi ngempela uzulu weZimbabwe kumele abambane alungisise udaba lwezombusazwe.
Emazwini awethule ngoMvulo, uMnu Ibrahim ukhuthaze izizalwane zeZimbabwe ukuthi zisebenze ndawonye zilungisise zonke inkinga zombusazwe ezibhekane lazo.
UMnu Ibrahim yisizalwane seBhilithani kodwa wazalelwa kweleSudan. Inotho yakhe ibikwa ingena kumabhiliyoni njalo ngomunye wabantu abanothe kakhulu emhlabeni jikelele.
Ungumkhokheli njalo wenhlanganiso yeIbrahim Foundation, yona elomvuzo we$5 million ophiwa umkhokheli weAfirca ngomnyaka oyabe etshengise ukuzinikela ekuthuthukiseni impilakahele kazulu lokunanza umbuso wentando kazulu.
Asebethole lumvuzo eminyakeni edluleyo babalisa uMnu Joachim Chisano weleMozambique, uMnu Festus Mogae loMnu Pedros Pires weleCape Verde.
Kodwa lonyaka iIbrahim Foundation ithi ayimtholanga ofaneleyo ukuwuthola lumvuzo.
Ingcwethi kwezombusazwe uMnu Nkululeko Sibanda, ofundisa eHuddersfield University eBhilithani othi ngempela uzulu weZimbabwe kumele abambane alungisise udaba lwezombusazwe.
