UMnu. Glenn Youngkin webandla lamaRepublicans usengusibalukhulu wesigaba seVirginia kulandela ukhetho oluqhutshwe ngoLwesibili olulandulela olomnyaka ozayo olokukhetha amalunga edale leCongress.
Unqobe uMnu. Terry McAuliffe webandla lamaDemocrats owayephethe lesi isikhundla, njalo owamukele impumela yokhetho lolu ngoLwesithathu ekuseni, watshayela uMnu. McAuliffe ihlombe.
Amavoti asabalwa kukhetho olufanayo eNew Jersey, njalo izizalwane zeMelika zivote kunhlelo zokhetho ezitshiyeneyo ngoLwesibili. UMnu. Solomon Tembo, isizalwane seZimbabwe ngomunye oncintise ezimele kukhetho lokudinga umayor wedolobho lePennsylvania kodwa wanqotshwa.
Ibandla lamaDemocrats lilamalunga edlula kancane awama Republicans kudale le House leleSenate njalo ukunqoba kwama Republicans ezigabeni ezinengi kungabangela ukuthi imithetho efunwa ngamaDemocrats ingemukelwa lula kula amadale. Usekelo lukamongamongali Biden, olwama ratings lubikwa lulokhe lusehla kuphenyo lwama ratings oluqhutshwa eMelika.
Ukuhlaziya loludaba, sixoxe loMnu. Effie Dlela Ncube, ingcwethi ecubungula ezombusazwe.
