WASHINGTON DC —
Omunye wabantu abasungula iZanu PF ngemva kokuhlamukela ibandla leZapu, njalo owayengumphathintanbo wezomvikela ngesikhathi seGukurahundi uMnu Enos Nkala kasekho.
UNkala ubhubhele esibhedlela seAvenues eHarare ngoLwesithathu. Okhulumela imuli yakoNkala uMnu Hebert Nkala kathandanga ukuveza ukuthi umuyi udliwe yisifo bani.
Kodwa uNkala, yena obeleminyaka engamatshumi ayisitshiyagalombili lanye (81), ubikwa ebehlutshwa ngumkhuhlane wezinso.
Uke walaliswa kwesinye isibhedlela koBulawayo kumalanga edluleyo wasesuswa sehanjiswa eAvenues Clinic mhlaka 7 kulinyanga.
Inengi lisola uNkala lisithi waphatheka kumbuqazwe weGukurahundi lapho uMugabe athumela iqula le5th Brigade labulala abantu beMatabeleland abedlula inkulungwane ezingamatshumi amabili, 20,000.
Kodwa sixoxa laye ngomnyaka ka2011, uNkala wala ukuthi waphatheka kulesisiga.
Simbuza ukuthi ngobani ingqungquthela zeGukurahundi, uNkala waphendula kanje: "Buza uMugabe, ubuze uMnangagwa, ubuze uSekeramayi, bazakutshela ukuthi kanti yona iGukurahundi yahamba njani."
Njengomuntu ohlinitshwayo kuZanu PF lanxa ebehlezi echothoza lelibandla, uNkala ukhangelelwe ukuphiwa inhlonipho yeqhawe lidale leZanu PF Politburo.
"Ubaba uNkala ngumuntu owalwela ilizwe leli kakhulu njalo ngumuntu olendlu lapho esabumbela khonaiZanu PF ngoAugust, 1963," kutsho isikhulumeli seZanu PF uMnu Rugare Gumbo.
"Ngalokho sibona ukuthi kuyabe kukuhle ukuthi laye ayongcwatshwa eHeroes Acre. Sibona kulungile ukuthi aphiwe inhlonipho enjalo."
UNkala ubhubhele esibhedlela seAvenues eHarare ngoLwesithathu. Okhulumela imuli yakoNkala uMnu Hebert Nkala kathandanga ukuveza ukuthi umuyi udliwe yisifo bani.
Kodwa uNkala, yena obeleminyaka engamatshumi ayisitshiyagalombili lanye (81), ubikwa ebehlutshwa ngumkhuhlane wezinso.
Uke walaliswa kwesinye isibhedlela koBulawayo kumalanga edluleyo wasesuswa sehanjiswa eAvenues Clinic mhlaka 7 kulinyanga.
Inengi lisola uNkala lisithi waphatheka kumbuqazwe weGukurahundi lapho uMugabe athumela iqula le5th Brigade labulala abantu beMatabeleland abedlula inkulungwane ezingamatshumi amabili, 20,000.
Kodwa sixoxa laye ngomnyaka ka2011, uNkala wala ukuthi waphatheka kulesisiga.
Simbuza ukuthi ngobani ingqungquthela zeGukurahundi, uNkala waphendula kanje: "Buza uMugabe, ubuze uMnangagwa, ubuze uSekeramayi, bazakutshela ukuthi kanti yona iGukurahundi yahamba njani."
Njengomuntu ohlinitshwayo kuZanu PF lanxa ebehlezi echothoza lelibandla, uNkala ukhangelelwe ukuphiwa inhlonipho yeqhawe lidale leZanu PF Politburo.
"Ubaba uNkala ngumuntu owalwela ilizwe leli kakhulu njalo ngumuntu olendlu lapho esabumbela khonaiZanu PF ngoAugust, 1963," kutsho isikhulumeli seZanu PF uMnu Rugare Gumbo.
"Ngalokho sibona ukuthi kuyabe kukuhle ukuthi laye ayongcwatshwa eHeroes Acre. Sibona kulungile ukuthi aphiwe inhlonipho enjalo."