Ugwalo olusanda kwethulwa libhanga le African Development Bank olubona ngesimo somnotho ezwekazi le Africa soluveze ukuthi umnotho we Zimbabwe ulakho ukwehla lonyaka ngenxa yokuswelakala kwemali yokuvuselela amankampani lokunye okutshiyeneyo.
Ugwalo lwe African Economic Outlook luthi umnotho we Zimbabwe uzakwehla ngokwedlula okuyisilinganiso sokune ekhulwini – 4.4%.
Ukwehla komnotho lokhu kubangelwa layikuswelakala komlilo kagetsi, imitshina esimidala lohlelo lweIndigenization olwethusa osomabhizimusi bemazweni.
Isilinganiso sokugugudeka komnotho lokuqonga kwentengo yempahla, i-inflation, sikhangelelwe ukukhuphuka ngokwedlula okuyisithupha ekhulwini – 6.5% kusiya phela umnyaka.
Kade kucatshangelwa ukuthi sizafika phose okuyisilinganiso sokuyisithupha ekhulwini – 5.7%.
Ugwalo lolu luphinde lwaveza ukuthi imisebenzi lokhe ihlupha eZimbabwe njengoba amankampani engelamali yokulungisa impahla etshiyeneyo.
Umnu. Japhet Moyo unobhala jikelele wenhlanganiso yezisebenzi iZimbabwe Congress of Trade Unions uthi ukudubeka kuqhubekela phambili kwele Zimbabwe.
