HARARE —
Umphathintambo wezemithetho umnumzana Emmerson Munangagwa usewulandula umbiko owethulwe ngabogatsha lwakhe, othi izibotshwa ezingaba likhulu zilahlekelwe yimpilo entolongweni kusukela ekuqaliseni komnyaka ngenxa yodubo lokusilela kokudla emajele wonke elizweni angamatshumi amahlanu lanhlanu-55.
UMunangagwa utshele idale lephalamende ukuba labo abalahlekelwe yimpilo besejele kungenxa yezizatho ezehlukeneyo. Wengeze wathi zithola ukudla okwaneleyo sikhathi sonke ngoba kuvela e-Grain Marketing Board lanxa evumile ukuba ugatsha lwakhe lubhekane lenkinga ezimbalwa ngoba benganelisi ukuhlawulela lokho kudla kwabe GMB.
U Munangagwa utsho lokhu ephendula imibuzo yamalunga edale lephalamende ngoLwesithathu emini kuhlandla lemibuzo eqondiswa kubaphathintambo.
Uyilandule imibiko ephume kumaphephandaba uMnangagwa ngoba ethi intathelizindaba aziyizwisisanga yikho zibhale amanga phezu kwe report le ethulwe ngabohlangothi olubona ngezemithetho eye Justice Portifolio Committee.
Uveze njalo ukuba yikhona kuzakwethulwa umbiko ogcweleyo olandula okuphume kumaphephandaba phezu komumo wendaba zokutholiswa izibotshwa ukudla elizweni.
Esephendula phezu kwesimo sokutholiswa kwabasentolongweni abaphila legciwane amaphilisi ama ARV, uMnangagwa uveze ukuba akekho ophila legciwane oyisibotshwa osilela ekutholeni lamaphilisi.
Ngesikhathi loludaba lulotshwa intathelizindaba bezilokhe zisalindele umbiko phezu kodaba olulandulwe nguMnangagwa.
Kolunye udaba olubuzwe edale lamuhla luqondiswe kumphantintambo wezokulima u Dr Joseph Made beluphezu komumo wokwabelwa kukazulu ukudla esandaweni ezilendlala. UMade uveze ukuba uhulumende uyaluqakathekisa udaba lokutholisa uzulu ukudla kanye lokuphathisa ekulondolozweni kwezifuyo kodwa ethi udubo kuyikukungani kuhle kwezulu.
U Made uveze ukuba lomumo wamanzi emadamu kawumuhle kodwa uthembele ekuthini lizakuna izulu njengokutsho kwababona ngezomumo womkhathi.
Ukhuthaze amalunga edale ukuba angaze alindela ukuzakwethula izikhalazo zokusilela kokukudla ezigabeni abazimelayo ngesikhathi idale lihlala kodwa aphange ayebika emahofisini ogatsha lwakhe nxa kuthe kwabonakala ukuba umumo usumubi.
UMunangagwa utshele idale lephalamende ukuba labo abalahlekelwe yimpilo besejele kungenxa yezizatho ezehlukeneyo. Wengeze wathi zithola ukudla okwaneleyo sikhathi sonke ngoba kuvela e-Grain Marketing Board lanxa evumile ukuba ugatsha lwakhe lubhekane lenkinga ezimbalwa ngoba benganelisi ukuhlawulela lokho kudla kwabe GMB.
U Munangagwa utsho lokhu ephendula imibuzo yamalunga edale lephalamende ngoLwesithathu emini kuhlandla lemibuzo eqondiswa kubaphathintambo.
Uyilandule imibiko ephume kumaphephandaba uMnangagwa ngoba ethi intathelizindaba aziyizwisisanga yikho zibhale amanga phezu kwe report le ethulwe ngabohlangothi olubona ngezemithetho eye Justice Portifolio Committee.
Uveze njalo ukuba yikhona kuzakwethulwa umbiko ogcweleyo olandula okuphume kumaphephandaba phezu komumo wendaba zokutholiswa izibotshwa ukudla elizweni.
Esephendula phezu kwesimo sokutholiswa kwabasentolongweni abaphila legciwane amaphilisi ama ARV, uMnangagwa uveze ukuba akekho ophila legciwane oyisibotshwa osilela ekutholeni lamaphilisi.
Ngesikhathi loludaba lulotshwa intathelizindaba bezilokhe zisalindele umbiko phezu kodaba olulandulwe nguMnangagwa.
Kolunye udaba olubuzwe edale lamuhla luqondiswe kumphantintambo wezokulima u Dr Joseph Made beluphezu komumo wokwabelwa kukazulu ukudla esandaweni ezilendlala. UMade uveze ukuba uhulumende uyaluqakathekisa udaba lokutholisa uzulu ukudla kanye lokuphathisa ekulondolozweni kwezifuyo kodwa ethi udubo kuyikukungani kuhle kwezulu.
U Made uveze ukuba lomumo wamanzi emadamu kawumuhle kodwa uthembele ekuthini lizakuna izulu njengokutsho kwababona ngezomumo womkhathi.
Ukhuthaze amalunga edale ukuba angaze alindela ukuzakwethula izikhalazo zokusilela kokukudla ezigabeni abazimelayo ngesikhathi idale lihlala kodwa aphange ayebika emahofisini ogatsha lwakhe nxa kuthe kwabonakala ukuba umumo usumubi.