Umkhokheli welinye lamacele eMDC uMnumzana Morgan Tsvangirayi uthi ulakho ukungaphatheki kukhetho nxa udlakela elizweni lungaqhubeka ngale indlela. Utsho lamazwi embuthanweni wokubekwa kwendodana yesiphathamandla sebandla lakhe eHeadlands etshiselwe endlini ngabantu abanakanelwa ukuthi ngabasekeli bebandla lezanu pf ngempelaviki edluleyo. Kubebuhlungu kuzulu wakoDzikiti emangweni we Headlands ukufa kukaChristpower ingane kaMnu. Shepherd Maisiri.
Bezithithibele inkulungwane lenkulungwane zabantu ezibuthane emncwabeni indodana yemhuli yakoMaisiri etshiselwe endlini ngabantu abanakanelwa ukuthi ngabalandeli beZANU PF ngoMgqibelo odluleyo ebusuku.
Obengumhlonitshwa kulumngcwabo umkhokheli weMDC-T njalo oyinhloko kahulumende, uchaze lesi sehlakalo njengesenzo esihlasimulisa umzimba, wakhuthaza inkokheli yeZANU PF ukuba yehlukane lodlakela. Wathi akaboni ephatheka kukhetho oluzayo nxa kungasathathwanga amanyathelo wokuqeda udubo lodlakela elizweni.
Kubika intathelizindaba yeStudio 7uMavis Gama osethulela lolu daba ngokugcweleyo ese Headlands.
Kunjalo nje ummeli weMelika eZimbabwe, uMnu. Bruce Wharton uthi imfa yengane le uChristpowers Maisiri eHeadlands ngempelaviki edluleyo imele libe lixetsha lokuqinisa imizamo yokuqeda udlakela elizweni.
UWharton utsho lokhu emkhosini wokupha imali inhlanganiso eziphathisa uzulu esebenzisa izandla namhla eHarare. UChristpower Maisiri watsha endlini kusehlakalo esesitshiye amabandla ezombusazwe exophana ngodaba lolu.
U Wharton uphe inhlanganiso eziyisitshiyagalombili imali ezinkulungwane ezilikhulu lamatshumi amane, $140 000 kunhlanganiso ezitshiyeneyo ezivela kundawana zonke zelizwe. UChris Gande weStudio 7 uxoxe lobona ngokuqutshwa kwembiko kusigodlo someli welemelika ezimbabwe, uMnu. Sizani Weza oqala ngokuchasisa ukuthi uhlelo lolu luqutshwa njani.