Ummeli omutsha weMelika kwele Zimbabwe uthi eleMelika umnotho welizwe leli ungeke wathuthuka uma uhulumende ekhahlameza uzulu. Kodwa uhulumende uthi eleMelika akumelanga limfakele iziqondiso zokubusa abantu beZimbabwe.
UNkosikazi Pamela Marie Tremont wethule amazwi la emhlanganweni wakhe wakuqala lentathelizindaba kwele Zimbabwe lapho athe ukuze eleZimbabwe lithuthuke, kufanele lihloniphe amalungelo oluntu lombuso wentando kazulu.
“Akungala ngenye indlela umnotho weZimbabwe ongasukuma kungela mbuso wentando kazulu. Kumele ele Zimbabwe lilandele iziqondiso ze democracy ukuze umnotho uphakame.’’
UNkosikazi Tremont uqhubeke esithi uhulumende wele Melika.
uzasebenza lenhlanganiso ezizimeleyo, amabandla ezombusazwe lozulu jikelele ukuqinisa umbuso wentando kazulu.
Ingcwethi ezicubungula ezombusazwe zivumelane lamazwi akhe zisithi ukuze ele Zimbabwe lihlonitshwe emhlabeni wonke kumele kube lokuhlonitshwa kwamalungelo oluntu.
Eyinye yalezingcwethi ngu Nkosikazi Hilda Tshuma ofundisa ekolitshini ye Midlands State University kugatsha lwezombusazwe othi kuqakathekile ukuba kuhlonitshwe amalungelo.
“Kuqakathekeli ukuba kuhlonitshwe umbuso wentando kazulu kuleli. Lokhu akutshoyo kuqakathekile kakhulu hatshi kuhulumende kodwa kuZimbabwe yonke.”
UNkosikazi Janet Dlamini owenhlanganiso ye Democratic Initiative ZImbabwe uthi ukuze umnotho uthuthuke kumele ele Zimbabwe lihambelane lokwenzakala emhlabeni wonke.
“Kumele iZimbabwe ilandele iziqondiso zedemoracy kodwa lokhu kungenzeka kuphela nxa singasebenza sibambene njengabantu be Zimbabwe.”
Umholi wogatsha lokwenzakala eZimbabwe lakwamanye amazwe kugatsha lokwethulwa kwemibiko, uMnu Richard Mahomva, usole kakhulu amazwi kaTremont.
“Amazwi lawa awomeli we Melika atshengisa ukuba uvele ulombono ongekho muhle njenge Zimbabwe. Kulihlazo ukuba ukhuluma lokhu thina eZimbabwe silandela imthetho yethuLokhu kugcizelwe nguMnu. Teddy Ncube osekela ibandla leZANU PF.
“Amazwi akhe yikukhuluma nje. Thina eZimbabwe silandela idemocracy yona ekhona kusisekelo sethu sombuso.”
UNkosikazi Tremont uthe ele Melika kalisoze lizihluphe ngobudlelwano phakathi kweZimbabwe lamazwe afana labo Russia le China kodwa esithi ele Melika lilamathuba angcono angasiza umnotho we Zimbabwe.
Ebuzisiswa ngamazwi kaMongameli awokuba ele Melika lifuna ukubeka inkamba zamasotsha kwele Zambia, uTremont ukuphikisile lokhu esithi ele Melika lifuna ukuba lobudlelwano obuhle lamazwe wonke awe Africa.
Uphinde wakhuluma ngendlala ehlasele abantu eZimbabwe esithi lonyaka eleMelika lizaphathisa eleZimbabwe ngosizo lwemali efika izigidi eziyisithupha lambili zamadola-US$62 million dollars ukuncedisa abantu abalambayo ngenxa yendlala ebangelwe yisiphepha se El Nino.
Forum