WASHINGTON DC —
Into ziqhubeka zonakala kuMDC ekhokhelwa nguMnumzana Welshomn Ncube phezu kokukhethwa kukaNkosikazi Priscilla Misihairabwi Mushonga ukuthi amele isigaba seMatabeleland South edale lephalamende lanxa engahlali khona.
Oke waba ngummeli weMangwe ephalamende uMnu Edward Mkhosi uthi ulakho ukuphuma kulelibandla nxa uNkosikazi Mushonga engasuswanga edale kwakhethwa owesifazana ovela eMatabeleland South ukumela lesisigaba.
UNkosikazi Misihairabwi Mushonga ufakwe esikhundleni lesi yinkokheli yebandla phansi kohlelo lweProportional Representation ingavumelananga lamalunga ebandla avela eMatabeleland South.
Manengi amalunga ebandla akulesisigaba athi alakho ukuphuma kulo nxa udaba lolu lungalungisiswanga uNkosikazi Mushonga wasuswa edale lephalamende.
Obengumeli weInsiza South edale uMnu Siyabonga Malandu Ncube uphume kuMDC ngoMgqibelo ekhonona ngokuxotshwa kwabantu mahlayana kubandla kanye lodaba lukaMisihairabwi Mushonga.
Ukutshiya lelibandla kukaNcube kulandele ukuxotshwa kukaMnu Charles Mpofu loMnu Petros Mukwena besetheswa icala lokwedelela inkokheli yebandla.
UMkhosi laye uthi ulakho ukwehlukana lebandla leli nxa lingalungisisanga udaba lukaMisihairabwi.
"Umkhokheli webandla kumele alungisise loludaba ngokuphangisa, uMisihairabwi asuswe edale lephalamende ngoba kadabuki eMatabeleland South," kutsho uMkhosi.
"Nxa kungasenzakalanga lokho sokusitsho ukuthi sizakwehlukana, mina ngokwami ngizaphuma kubandla."
Oke waba ngummeli weMangwe ephalamende uMnu Edward Mkhosi uthi ulakho ukuphuma kulelibandla nxa uNkosikazi Mushonga engasuswanga edale kwakhethwa owesifazana ovela eMatabeleland South ukumela lesisigaba.
UNkosikazi Misihairabwi Mushonga ufakwe esikhundleni lesi yinkokheli yebandla phansi kohlelo lweProportional Representation ingavumelananga lamalunga ebandla avela eMatabeleland South.
Manengi amalunga ebandla akulesisigaba athi alakho ukuphuma kulo nxa udaba lolu lungalungisiswanga uNkosikazi Mushonga wasuswa edale lephalamende.
Obengumeli weInsiza South edale uMnu Siyabonga Malandu Ncube uphume kuMDC ngoMgqibelo ekhonona ngokuxotshwa kwabantu mahlayana kubandla kanye lodaba lukaMisihairabwi Mushonga.
Ukutshiya lelibandla kukaNcube kulandele ukuxotshwa kukaMnu Charles Mpofu loMnu Petros Mukwena besetheswa icala lokwedelela inkokheli yebandla.
UMkhosi laye uthi ulakho ukwehlukana lebandla leli nxa lingalungisisanga udaba lukaMisihairabwi.
"Umkhokheli webandla kumele alungisise loludaba ngokuphangisa, uMisihairabwi asuswe edale lephalamende ngoba kadabuki eMatabeleland South," kutsho uMkhosi.
"Nxa kungasenzakalanga lokho sokusitsho ukuthi sizakwehlukana, mina ngokwami ngizaphuma kubandla."