WASHINGTON DC —
Abazancintisa kukhetho oluzayo bayaqhubeka ngemikhankaso yokudinga usekelo endaweni ezitshiyeneyo zelizwe bethembisa ukuthuthukisa inhlalakahle kazulu nxa bethe bakhethwa.
Omunye wabadinga usekelo ngobengummeli weMangwe edale lephalamende uMnu Edward Mkhosi oyisiphathamandla seMDC ekhokhelwa nguMnu Welshman Ncube.
UMkhosi udinga ukubuyela edale lephalamende emele isigaba sinye njalo uzangqikilana loNkosikazi Jessi Ngwenya oweMDC-T kanye loMnu Obedingwa Mguni oweZanu PF.
Ekhuluma leStudio 7, uMnu Mkhosi ukhuthaze uzulu ukuthi amvotele, esithi usebenze gadalala ukuthuthukisa isigaba seMangwe kuminyaka edlula elitshumi engummeli walindawo ephalamende.
"Ngiphiwe imali nguhulumende efika $50,000 ngayabela isigaba lesigaba ku-constituency yami ngokulinganayo abanye bavusa izikolo zabo abanye bavusa amadale ezinduna," kutsho uMkhosi.
"Abanye bagebha izikotsho, abanye bavuselela ama-hall ngazothola njalo olunye uncedo olwaluvela kumaBritish, lapho ngapha izigaba eziyisithupha izikotsho ngazakhela konke lengadi.
"Ngakwenza lokhu Embakwe kukhona, kubuye futhi lakoBhulu laphana kukhona, eMabuledi, ebrunaperg kukhona lakoManinji ngafaka lakoMakorokoro ngafaka, zinengi inhlelo engifuna ukuthi zibekhona ku-constituency yami," uqhubeke echasisa uMkhosi.
Wengeze wathi okumhlupha kakhulu akhangelele ukukulungisa engabuyela edale lephalamende yimigwaqo athi ingamagodi wodwa.
"Enye njalo into engihluphayo ngabantu beMakorokoro leMambale, imigwaqo leyana mibi kakhulu labantwana bathwele nzima. Nxa ngithi ngiyakhangela kwalokho sazibusa, akuzange kwaba lentuthuko eyalethwa nguhulumende," kutsho uMkhosi.
Isigaba seMangwe sisePlumtree eMatabeleland South njalo ngesinye sezigaba zeMaNdebeleni ezisilelayo kundaba zentuthuko.
Izakhamizi zeMatabeleland zisola kakhulu uhulumende weZanu PF zisithi kakaze azihluphe ngokuthuthukisa lumhlubulo selokhu ilizwe lathola uzibuse wabensundu ngomnyaka ka1980.
Ngalokho, inengi kulumango lithi uzulu kumele avotele iMDC kukhetho oluzakwenziwa mhlaka 31 kulinyanga.
Omunye wabadinga usekelo ngobengummeli weMangwe edale lephalamende uMnu Edward Mkhosi oyisiphathamandla seMDC ekhokhelwa nguMnu Welshman Ncube.
UMkhosi udinga ukubuyela edale lephalamende emele isigaba sinye njalo uzangqikilana loNkosikazi Jessi Ngwenya oweMDC-T kanye loMnu Obedingwa Mguni oweZanu PF.
Ekhuluma leStudio 7, uMnu Mkhosi ukhuthaze uzulu ukuthi amvotele, esithi usebenze gadalala ukuthuthukisa isigaba seMangwe kuminyaka edlula elitshumi engummeli walindawo ephalamende.
"Ngiphiwe imali nguhulumende efika $50,000 ngayabela isigaba lesigaba ku-constituency yami ngokulinganayo abanye bavusa izikolo zabo abanye bavusa amadale ezinduna," kutsho uMkhosi.
"Abanye bagebha izikotsho, abanye bavuselela ama-hall ngazothola njalo olunye uncedo olwaluvela kumaBritish, lapho ngapha izigaba eziyisithupha izikotsho ngazakhela konke lengadi.
"Ngakwenza lokhu Embakwe kukhona, kubuye futhi lakoBhulu laphana kukhona, eMabuledi, ebrunaperg kukhona lakoManinji ngafaka lakoMakorokoro ngafaka, zinengi inhlelo engifuna ukuthi zibekhona ku-constituency yami," uqhubeke echasisa uMkhosi.
Wengeze wathi okumhlupha kakhulu akhangelele ukukulungisa engabuyela edale lephalamende yimigwaqo athi ingamagodi wodwa.
"Enye njalo into engihluphayo ngabantu beMakorokoro leMambale, imigwaqo leyana mibi kakhulu labantwana bathwele nzima. Nxa ngithi ngiyakhangela kwalokho sazibusa, akuzange kwaba lentuthuko eyalethwa nguhulumende," kutsho uMkhosi.
Isigaba seMangwe sisePlumtree eMatabeleland South njalo ngesinye sezigaba zeMaNdebeleni ezisilelayo kundaba zentuthuko.
Izakhamizi zeMatabeleland zisola kakhulu uhulumende weZanu PF zisithi kakaze azihluphe ngokuthuthukisa lumhlubulo selokhu ilizwe lathola uzibuse wabensundu ngomnyaka ka1980.
Ngalokho, inengi kulumango lithi uzulu kumele avotele iMDC kukhetho oluzakwenziwa mhlaka 31 kulinyanga.