WASHINGTON —
Umkhokheli webandla le ZAPU uMnu. Dumiso Dabengwa ozancintisa kukhetho lokudinga umongameli welizwe uthi ibandla lakhe selibatholile abazancintisa kunengi lezigaba zelizwe njengoba inkulumo zokuthi amabandla amanyane zilokhu zisehlula.
Ekhuluma lentathelizindaba ngoLwesithathu eHarare, uMnu. Dabengwa uthe lanxa ibandla lakhe lingasuthiseki ngohlelo lokubhalisela ukuvota kanye lokubekwa kwelanga lokhetho, lizimisele ukuncintisa litshengisele ukuthi lilohlonzi.
Isikhulumi salelibandla uMnu. Mjobisa Noko obekulumhlangano ucasisa izinqumo zebandla lakhe okufanele amanye amabandla ezombusazwe azamukele andubane kube lomanyano. Lokhu kuphume kungxoxo uSithandekile Mhlanga weStudio Seven ayenze loNoko.
Kusenjalo, isiphathamandla secele le MDC elikhokhelwa nguMnu. Morgan Tsvangirai uMnu. Tendai Biti uthi ibandla lakhe lihambisile ku ZEC ngoLwesithathu amabizo alabo abazancintisa kukhetho lokudinga umongameli lamalunga edale lephalamende lele senate.
Isiphathamandla secele le MDC elikhokhelwa nguMnu. Welshman Ncube, uMnu. Kurauone Chihwayi uthi ibandla lakhe liphakathi kokwethulela iZEC amaphepha afanayo, njalo amanye lizawaqhuba kusasa.
Ekhuluma lentathelizindaba ngoLwesithathu eHarare, uMnu. Dabengwa uthe lanxa ibandla lakhe lingasuthiseki ngohlelo lokubhalisela ukuvota kanye lokubekwa kwelanga lokhetho, lizimisele ukuncintisa litshengisele ukuthi lilohlonzi.
Isikhulumi salelibandla uMnu. Mjobisa Noko obekulumhlangano ucasisa izinqumo zebandla lakhe okufanele amanye amabandla ezombusazwe azamukele andubane kube lomanyano. Lokhu kuphume kungxoxo uSithandekile Mhlanga weStudio Seven ayenze loNoko.
Kusenjalo, isiphathamandla secele le MDC elikhokhelwa nguMnu. Morgan Tsvangirai uMnu. Tendai Biti uthi ibandla lakhe lihambisile ku ZEC ngoLwesithathu amabizo alabo abazancintisa kukhetho lokudinga umongameli lamalunga edale lephalamende lele senate.
Isiphathamandla secele le MDC elikhokhelwa nguMnu. Welshman Ncube, uMnu. Kurauone Chihwayi uthi ibandla lakhe liphakathi kokwethulela iZEC amaphepha afanayo, njalo amanye lizawaqhuba kusasa.