WASHINGTON DC —
Umkhokheli weMDC umnumzana Morgan Tsvangirai uthi sekhumisane umlotha leziphathamandla zebandla lakhe axabane lazo ngemva kokumxwayisa ukuthi atshiye ubukhokheli bebandla ngoba sehlulekile ukususa iZanu PF embusweni.
Ekhuluma lentathelizindaba eHarare uTsvangirai uthe bahlale phansi bakhulumisana ngokufuthelana okukhona phakathi kwabo njalo bavumelana ukuqeda ingxabano yabo.
Emhlanganweni lo uTsvangirai ubelomnumzana Tendai Biti lomnumzana Elias Mudzuri abangabanye babantu ababikwa besekela imbono kamnumzana Elton Mangoma yokuthi uTsvangirai atshiye isikhundla kukhethwe inkokheli entsha.
UTsvangirai uthe njalo kumele kube lenkulumo phakathi kwebandla lakhe leZanu PF emizameni yokuhlenga ilizwe ebunzimeni elibhekane labo, ikakhulu ukuswelakala kwemisebenzi lokudilika komnotho. Wengeze wathi kumele kwenziwe ukhetho olutsha.
Kodwa isikhulumeli seZanu PF umnu Rugare Gumbo utshele iStudio 7 ukuthi ibandla lakhe alilalutho lokukhuluma loTsvangirai, wathi njalo ukhetho alusoze lwafa lenziwa isikhathi salo singakafiki.
Ingcwethi kwezombusazwe umnumzana Nkululeko Sibanda othi akaboni iphela iminkenke yokudabukana kwaleli bandla edalwe yikufuthelana kweziphathamandla zaleli bandla ikakhulu nxa kungakhulunyiswananga ngodaba lokuthi uTsvangirai kumele atshiye isikhundla na loba hatshi.
Ekhuluma lentathelizindaba eHarare uTsvangirai uthe bahlale phansi bakhulumisana ngokufuthelana okukhona phakathi kwabo njalo bavumelana ukuqeda ingxabano yabo.
Emhlanganweni lo uTsvangirai ubelomnumzana Tendai Biti lomnumzana Elias Mudzuri abangabanye babantu ababikwa besekela imbono kamnumzana Elton Mangoma yokuthi uTsvangirai atshiye isikhundla kukhethwe inkokheli entsha.
UTsvangirai uthe njalo kumele kube lenkulumo phakathi kwebandla lakhe leZanu PF emizameni yokuhlenga ilizwe ebunzimeni elibhekane labo, ikakhulu ukuswelakala kwemisebenzi lokudilika komnotho. Wengeze wathi kumele kwenziwe ukhetho olutsha.
Kodwa isikhulumeli seZanu PF umnu Rugare Gumbo utshele iStudio 7 ukuthi ibandla lakhe alilalutho lokukhuluma loTsvangirai, wathi njalo ukhetho alusoze lwafa lenziwa isikhathi salo singakafiki.
Ingcwethi kwezombusazwe umnumzana Nkululeko Sibanda othi akaboni iphela iminkenke yokudabukana kwaleli bandla edalwe yikufuthelana kweziphathamandla zaleli bandla ikakhulu nxa kungakhulunyiswananga ngodaba lokuthi uTsvangirai kumele atshiye isikhundla na loba hatshi.