Umkhokheli webandla leMozambique eliphikisayo othi iFrelimo yaqilibezela kukhetho olwaqhutshwa nyakenye uphenduke elizweni ngoLwesine kulandela ukubaleka kwakhe esithi uhulumende wayefuna ukumbulala.
UMnu. Venancio Mondlane utshele abantu abanengi embuthanweni wokumhlangabeza eMaputo ukuba ukhetho aluqhutshwanga ngemfanelo ngoMfumfu njalo abalandeli bakhe kumele betshengisele emigwaqweni bekhonona ngempumela yalo.
Abezindaba abeReuters babika ukuba abezomvikela badubule babulala abantu abathathu abatshengisele emigwaqweni esanda kufika.
UMnu. Daniel Chapo weFrelimo nguye okuthiwa wanqoba kukhetho lolu, osolungenelwe ngumanyano weSouthern African Development Community othi kumele kukhunyiswane umlotha phakathi kwamabandla ancintisa kukhetho lolu.
EleSouth Africa kubikwa ukuba selingenela kudaba lolu ukuze kube lokuthula eMozambique, okuphazamisa amabhizimusi ezansi yezwekazi leAfrica.
Abezomvikela sebebulele abaphikisayo abedlula amakhulu amabili selokhu kwethulwa impumela yokhetho olwaqhutshwa ngoMfumfu.
Ukuhlaziye loludaba, sixoxe loMnu. Effie Dlela Ncube, ingcwethi kwezombusazwe ezimeleyo, othi abantu bakweleMozambique kumele belungise konke okubahluphayo ukuze bengabhidlizi ilizwe labo.
Forum