WASHINGTON DC —
Umkhokheli wesonto ye Johanne Masowe eChishanu Budiriro Two uMadzibaba Ishmael Mufani ubikwa elokhu engazakali ukuthi ungaphi edingwa ngamapholisa kulandela ukubhaxabula amapholisa okwenza amakholwa alinkonzo ngeviki edluleyo.
Lokhu kwenzakala lapho amanye amalunga alinkonzo angamatshumi amabili lasithupha emiswe emthethwandaba esetheswa icala lokutshaya amapholisa lentathelizindaba ancitshwa ukuthi ahlawule imali yesibambiso eye bail.
Izolo ixuku labantu abanye kade begqoke impahla yeZau PF baye lapho okuthandazela lababantu batshisa impahla egoqela izembatho lenqayi ebezikhonapho.
Ukungenela kudaba lolu kwamalunga ebandla leZanu PF sekudale ukufuthelana edolobheni leli okubangele ukuba ibandla leMDC-T lethule umbiko othi amapholisa kawaphathanga loludaba ngemfanelo.
Amapholisa ayesixotsha abantu laba lapha abathandaza khona eBudiriro ngoba besithi kulokungaphathi kahle abantwana abangamantombazana alinkonzo.
Usibalukhulu wezenzakala elizweni kubandla leMDC-T, uNkosikazi Lillian Timveos uthe kumele amapholisa acubungule indlela eyaphathwa ngayo loludaba ukwenzela ukuthi ilizwe lingafiki esibangeni sokungalandelwa umthetho.
UChris Gande weStudio Seven uxoxe lengcwethi kwezombusazwe njalo elilunga lebandla leZanu PF, uMnu. Morris Ngwenya othi ibandla lakhe kalingenelanga kuloludaba kodwa okwenzakeleyo yikutshengisela kwezkhamizi ezingathakazeleli ukutshaywa kwamapholisa.
UChris uphinde waxoxa lengcwethi kwezemithetho, uMnu. Job Sibanda ukuze sizwe ukuba nxa bengabotshwa laba bantu bakhangelele ukugwetshwa okunganani.
Lokhu kwenzakala lapho amanye amalunga alinkonzo angamatshumi amabili lasithupha emiswe emthethwandaba esetheswa icala lokutshaya amapholisa lentathelizindaba ancitshwa ukuthi ahlawule imali yesibambiso eye bail.
Izolo ixuku labantu abanye kade begqoke impahla yeZau PF baye lapho okuthandazela lababantu batshisa impahla egoqela izembatho lenqayi ebezikhonapho.
Ukungenela kudaba lolu kwamalunga ebandla leZanu PF sekudale ukufuthelana edolobheni leli okubangele ukuba ibandla leMDC-T lethule umbiko othi amapholisa kawaphathanga loludaba ngemfanelo.
Amapholisa ayesixotsha abantu laba lapha abathandaza khona eBudiriro ngoba besithi kulokungaphathi kahle abantwana abangamantombazana alinkonzo.
Usibalukhulu wezenzakala elizweni kubandla leMDC-T, uNkosikazi Lillian Timveos uthe kumele amapholisa acubungule indlela eyaphathwa ngayo loludaba ukwenzela ukuthi ilizwe lingafiki esibangeni sokungalandelwa umthetho.
UChris Gande weStudio Seven uxoxe lengcwethi kwezombusazwe njalo elilunga lebandla leZanu PF, uMnu. Morris Ngwenya othi ibandla lakhe kalingenelanga kuloludaba kodwa okwenzakeleyo yikutshengisela kwezkhamizi ezingathakazeleli ukutshaywa kwamapholisa.
UChris uphinde waxoxa lengcwethi kwezemithetho, uMnu. Job Sibanda ukuze sizwe ukuba nxa bengabotshwa laba bantu bakhangelele ukugwetshwa okunganani.