Liviki kuhlelo lwethu Liphuma Lendaba Litshona Lendaba sixoxa loNkosikazi Patricia Nabanyama umka Mnu. Patrick Nabanyama owanyamalala ngomnyaka ka 2000 ngemva kokuthunjwa ngabacatshangelwa ukuthi ngabalwa impi yenkululeko.
Kodwa kuze kube namhla uNabanyama kumbe isidumbu sakhe kasibonakalanga.
Unkosikazi Nabanyama utshele iStudio Seven ukuthi wethuswa yimbiko yokuthi uDzamara wathunjwa esithi yena lemuli yakhe babecabangela ukuthi ukuthunjwa sekuyinto yakudala.
UNabanyama owayesebenzela inkampnai ye Ngwebu Breweries. Kuthethe isikhathi eside ukuthi linkampani iphe unkosikazi wakhe imali yempentsheni ngoba kwakungela maphepha akhomba ukuthi uNabanyama usengumuyi.
Kowa unkosikazi Nabanyama uthi impilo inzima kakhulu kulandela ukunyamalala komkake lanxa owayengumphathintambo wezemfundo, uMnu. David Coltart uyake aphathise imuli. Ibandla leMDC elalisetshenzelwa nguNabanyama lingaphathisi.
