WASHINGTON —
Umongameli Robert Mugabe usekhethwe ukuba ngomunye wabasekeli bogatsha lomanyano weAfrican Union, olweAfrican Union Bureau emhlanganweni womanyano lo ovulwe ngokusemthethweni ngoLwesine eEthiopia.
Umongameli Mugabe uyabe emele iSouthern Africa kulolugatsha, labanye bakhe abe East, West, North, leCentral Africa.
Umphathintambo obona ngobudlelwano beZimbabwe lamanye amazwe uMnu. Simbarashe Mumbengegwi utshele umsakazo we ZBC eseEthiopia ukuthi inhlonipho le itshengisa ukuthi amazwe eAfrica ayawubuka umbuso kaMongameli Mugabe njalo ayalithemba eleZimbabwe.
Umongameli Mugabe uphinde wakhethwa okwesikhatshana ukuthi akhokhele umhlangano wogatsha lwe SADC kulumhlangano endaweni kaMongameli Joyce Banda wele Malawi yena obengekho. Umhlangano lo ubuhlaziya izijeziso zenotho ezetheswa eleMadagascar kanye lengxabangxoza yabahlamuki eDemocratic Republic of Congo.
Ukuze sihlaziye loludaba, sixoxe loMnu. Morris Ngwenya, ingcwethi ecubungula ezombusazwe njalo emgumsekeli webandla le ZANU PF.
UMnu. Ngwenya utshele uSithandekile Mhlanga weStudio 7 ukuthi inhlonipho le imfanele uMongameli Mugabe.
Umongameli Mugabe uyabe emele iSouthern Africa kulolugatsha, labanye bakhe abe East, West, North, leCentral Africa.
Umphathintambo obona ngobudlelwano beZimbabwe lamanye amazwe uMnu. Simbarashe Mumbengegwi utshele umsakazo we ZBC eseEthiopia ukuthi inhlonipho le itshengisa ukuthi amazwe eAfrica ayawubuka umbuso kaMongameli Mugabe njalo ayalithemba eleZimbabwe.
Umongameli Mugabe uphinde wakhethwa okwesikhatshana ukuthi akhokhele umhlangano wogatsha lwe SADC kulumhlangano endaweni kaMongameli Joyce Banda wele Malawi yena obengekho. Umhlangano lo ubuhlaziya izijeziso zenotho ezetheswa eleMadagascar kanye lengxabangxoza yabahlamuki eDemocratic Republic of Congo.
Ukuze sihlaziye loludaba, sixoxe loMnu. Morris Ngwenya, ingcwethi ecubungula ezombusazwe njalo emgumsekeli webandla le ZANU PF.
UMnu. Ngwenya utshele uSithandekile Mhlanga weStudio 7 ukuthi inhlonipho le imfanele uMongameli Mugabe.
