BULAWAYO —
Izakhamizi zakoBulawayo zithi phakathi kokudonselana okukhona ngendlela okumele omeya bakhethwe ngayo, akumelanga kukhohlakale ukuthi idolobho leli lidinga umuntu olesithunzi, ololwazi njalo ozwisisa indingeko kanye lembali yedolobho leli.
Kulokuphikisana phakathi kwamagqwetha aweZimbabwe ngokuthi umthetho uthi omeya bamadolobho kumele bakhethwe ngayiphi indlela. Amagqwetha afana loMnumzana Lovemore Madhuku bathi kumele umeya abengumuntu ophuma phakathi kwalabo abakhethwe yizakhamizi ukuba ngokhansila.
Kuthike abanye abagoqela abebandla le Movement for Democratic Change elikhokhelwa nguMnu. Morgan Tsvangirai besithi okhansila balakho ukukhetha yiloba ngubani abamfunayo kungakhathalekile ukuthi ngukhansila kumbe hatshi.
Umqondisi wenhlanganiso yezakhamizi zakoBulawayo, uMnumzana Rodrick Fayayo, uthi akuqakathekanga ukuthi okhethiweyo ngubani, ekhethwe ngayiphi indlela kodwa kuqakathekile ukuthi kube ngumuntu ololwazi ngalelidolobho njalo olamasu wokuthi angaqeda njani inhlupho ezibhekane lezakhamizi.
Idolobho lakoBulawayo lileminyaka libhekane lenhlupho zokuswelakala kwamanzi kanye lokuvalwa kwamafekithali osokutshiye inkulungwane zabantu zingasebenzi.
UFayayo uqhubeke esithi lanxa kunjalo, ikhansili le edluleyo itshengise ukuthi kungcono ukuba lomeya ongasukhansila wendawo ethile ozabalakho ukukhangela idolobho lonke engaphazanyiswa ngumsebenzi wokukhangela i ward yakhe.
Uthi umeya ophumileyo, uMnumzana Thaba Moyo utshengise ubunzima obukhona nxa ukhangela indingeko zedolobho njalo kumele akhangele izikhalazo zalabo abamelayo okwenze wacina ekhohlwa ngo ward 22 sokumele akhangele okudingwa lidolobho lonke.
Isakhamuzi saleli dholobho, uNkosazana Busisiwe Matobo, uthi laye ukubona kungaqakathekanga ukuthi umeya ngowaliphi ibandla lezombusazwe kodwa ukuthi abe ngumuntu ololwazi njalo ongela nkethabetshabi yiso isiqokoqela.
Uthi lesisikhundla ayisiso somuntu ozagijimisa okufunwa libandla lakhe lezombusazwe kodwa ozalalela izakhamizi enze okufunwa yizo.
Ikhansili yakoBulawayo ilabokhansila bonke abavela kubandla le MDC-T.
Ibandla leli beselikhethe ofundisa ekolitshini ye National University of Science and Technology, uMnumzana Mandla Nyathi ukuthi avotelwe ngokhansila ukuba ngumeya, esekelwa ngukhansila ka ward 3, uMnumzana Martin Moyo. Kodwake ngemva kokuba ibandla leli selinqume lokho obengumpathintambo wezabelo kuhulumende womanyano uMnu Ignatious Chombo wethule umbiko othi omeya bamadholobho abalisa iHarare leBulawayo kumele bakhethwe ngokhansila abasanda kunqoba kukhetho lukaNtulikazi.
Kulokuphikisana phakathi kwamagqwetha aweZimbabwe ngokuthi umthetho uthi omeya bamadolobho kumele bakhethwe ngayiphi indlela. Amagqwetha afana loMnumzana Lovemore Madhuku bathi kumele umeya abengumuntu ophuma phakathi kwalabo abakhethwe yizakhamizi ukuba ngokhansila.
Kuthike abanye abagoqela abebandla le Movement for Democratic Change elikhokhelwa nguMnu. Morgan Tsvangirai besithi okhansila balakho ukukhetha yiloba ngubani abamfunayo kungakhathalekile ukuthi ngukhansila kumbe hatshi.
Umqondisi wenhlanganiso yezakhamizi zakoBulawayo, uMnumzana Rodrick Fayayo, uthi akuqakathekanga ukuthi okhethiweyo ngubani, ekhethwe ngayiphi indlela kodwa kuqakathekile ukuthi kube ngumuntu ololwazi ngalelidolobho njalo olamasu wokuthi angaqeda njani inhlupho ezibhekane lezakhamizi.
Idolobho lakoBulawayo lileminyaka libhekane lenhlupho zokuswelakala kwamanzi kanye lokuvalwa kwamafekithali osokutshiye inkulungwane zabantu zingasebenzi.
UFayayo uqhubeke esithi lanxa kunjalo, ikhansili le edluleyo itshengise ukuthi kungcono ukuba lomeya ongasukhansila wendawo ethile ozabalakho ukukhangela idolobho lonke engaphazanyiswa ngumsebenzi wokukhangela i ward yakhe.
Uthi umeya ophumileyo, uMnumzana Thaba Moyo utshengise ubunzima obukhona nxa ukhangela indingeko zedolobho njalo kumele akhangele izikhalazo zalabo abamelayo okwenze wacina ekhohlwa ngo ward 22 sokumele akhangele okudingwa lidolobho lonke.
Isakhamuzi saleli dholobho, uNkosazana Busisiwe Matobo, uthi laye ukubona kungaqakathekanga ukuthi umeya ngowaliphi ibandla lezombusazwe kodwa ukuthi abe ngumuntu ololwazi njalo ongela nkethabetshabi yiso isiqokoqela.
Uthi lesisikhundla ayisiso somuntu ozagijimisa okufunwa libandla lakhe lezombusazwe kodwa ozalalela izakhamizi enze okufunwa yizo.
Ikhansili yakoBulawayo ilabokhansila bonke abavela kubandla le MDC-T.
Ibandla leli beselikhethe ofundisa ekolitshini ye National University of Science and Technology, uMnumzana Mandla Nyathi ukuthi avotelwe ngokhansila ukuba ngumeya, esekelwa ngukhansila ka ward 3, uMnumzana Martin Moyo. Kodwake ngemva kokuba ibandla leli selinqume lokho obengumpathintambo wezabelo kuhulumende womanyano uMnu Ignatious Chombo wethule umbiko othi omeya bamadholobho abalisa iHarare leBulawayo kumele bakhethwe ngokhansila abasanda kunqoba kukhetho lukaNtulikazi.